2011 جىلعى 21 ماۋسىم , استانا, ۇكىمەت ءۇيى
تەمىر جول كولىگىمەن پوشتا جونەلتىلىمدەرىن تاسىمالداۋ قاعيداسىن بەكىتۋ تۋرالى
«تەمىر جول كولىگى تۋرالى» قازاقستان رەسپۋبليكاسىنىڭ 2001 جىلعى 8 جەلتوقسانداعى زاڭىنىڭ 14-بابى 1-تارماعىنىڭ 4) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان تەمىر جول كولىگىمەن پوشتا جونەلتىلىمدەرىن تاسىمالداۋ قاعيداسى بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى «21» ماۋسىمداعى №683 قاۋلىسىمەن بەكىتىلگەنتەمىر جول كولىگىمەن پوشتا جونەلتىلىمدەرىن تاسىمالداۋ قاعيداسى
1. جالپى ەرەجەلەر
1. وسى تەمىر جول كولىگىمەن پوشتا جونەلتىلىمدەرىن تاسىمالداۋ قاعيداسى (بۇدان ءارى – قاعيدا) قازاقستان رەسپۋبليكاسىنىڭ «تەمىر جول كولىگى تۋرالى» 2001 جىلعى 8 جەلتوقسانداعى, «پوچتا تۋرالى» 2003 جىلعى 8 اقپانداعى جانە «بايلانىس تۋرالى» 2004 جىلعى 5 شىلدەدەگى زاڭدارىنا سايكەس ازىرلەندى, تەمىر جول كولىگىمەن پوشتا جونەلتىلىمدەرىن تاسىمالداۋ ءتارتىبىن ايقىندايدى, ولار مىنالاردى قامتيدى: 1) جولاۋشىلار پوەزدارىنىڭ پوشتا ۆاگوندارىندا پوشتا جونەلتىلىمدەرىن تاسىمالداۋ; 2) پوشتا جونەلتىلىمدەرىن تاسىمالداۋ ءۇشىن ەسەپتەسۋ; 3) پوشتانى تاسىمالداۋعا ارنالعان قۇجاتتاردى رەسىمدەۋ. 2. وسى قاعيدادا مىناداي ۇعىمدار پايدالانىلادى: 1) تاسىمالداۋ مارشرۋتى – بەلگىلەنگەن باستاپقى جانە سوڭعى پۋنكتتەرىنىڭ اراسىنداعى پوشتا جونەلتىلىمدەرىنىڭ تاسىمالىن جۇزەگە اسىراتىن تاسىمالداۋدى ۇيىمداستىرۋ ۇدەرىسىندە انىقتالعان تەمىر جول كولىك قۇرالدارىنىڭ ءجۇرۋ جولى; 2) پوشتا وپەراتورى – پوشتا قىزمەتى سالاسىندا قىزمەت ۇسىنۋعا قۇقىعى بار جەكە نەمەسە زاڭدى تۇلعا; 3) پوشتا جونەلتiلىمدەرiن تاسىمالداۋ – جولاۋشىلار پوەزىنىڭ قۇرامىندا جونەلتۋ پۋنكتىنەن مەجەلى پۋنكتىنە دەيىن پوشتا جونەلتىلىمدەرىن تاسىمالداۋ; 4) تەمىر جول كولىگىندەگى تاسىمالداۋشى (بۇدان ءارى – تاسىمالداۋشى) – جىلجىمالى قۇراممەن تاسىمالداۋدى جۇزەگە اسىراتىن جانە تاسىمالداۋ قۇجاتتارىندا كورسەتىلگەن زاڭدى تۇلعا; 5) ۇلتتىق تەمىر جول كومپانياسى – قازاقستان رەسپۋبليكاسى ۇكىمەتىنىڭ شەشىمى بويىنشا قۇرىلعان, ۇلتتىق باسقارۋشى حولدينگ بىردەن ءبىر اكتسيونەرى بولىپ تابىلاتىن, ماگيسترالدىق تەمىر جول جەلىسىن كۇتىپ-ۇستاۋدى جانە پايدالانۋدى جۇزەگە اسىراتىن, سونداي-اق ماگيسترالدىق تەمىر جول جەلىسى قىزمەتتەرىن كورسەتەتىن اكتسيونەرلىك قوعام; 6) پوشتا جونەلتiلىمدەرi – جازباشا حات-حابارلار, جىبەرىلىمدەر, پوشتا كونتەينەرلەرi, سونداي-اق تيiسiنشە بۋىپ-تۇيiلگەن باسپا باسىلىمدارى; 7) پوشتا ۆاگونى – پوشتا جونەلتىلىمدەرىنىن تاسىمالداۋعا ارنالعان جانە ارنايى جابدىقتالعان ۆاگون; 8) جولاۋشىلار پوەزىنىڭ اينالىم پۋنكتى – جولاۋشى پوەزىنىڭ ءجۇرۋ مارشرۋتىنداعى سوڭعى ستانتسياسى; 9) جولاۋشىلار پوەزىن قالىپتاستىرۋ پۋنكتى – وسى پوەزعا قىزمەت كورسەتەتىن پوەزد بريگاداسىن جانە پوەزد قۇرامى قالىپتاستىرىلاتىن جول ءجۇرۋ مارشرۋتىنا جولاۋشىلار پوەزىن جونەلتۋ ستانتسياسى (پوەزد باستىعى, پوەزد ەلەكترومەحانيگى جانە ۆاگوندار جولسەرىكتەرى); 3. پوشتا جونەلتىلىمدەرىن تاسىمالداۋ بارلىق تەمىر جول قاتىناستارى بويىنشا جۇزەگە اسىرىلۋى مۇمكىن. 4. تاسىمالدا ولاردا كاۋىپتى سالىمداردىڭ (زاتتاردىڭ) بولماۋىنا قاتىستى تەكسەرۋدەن وتكەن پوشتا جونەلتىلىمدەرىنە جول بەرىلەدى.2. تەمىر جول كولىگىمەن پوشتا جونەلتىلىمدەرىن تاسىمالداۋ ءتارتىبى
5. پوشتا جونەلتىلىمدەرىن پوشتا وپەراتورىنىڭ جانە/نەمەسە ارنايى بايلانىس قىزمەتىنىڭ ۋاكىلەتتى قىزمەتكەرلەرى الىپ جۇرەدى. 6. تاسىمالداۋشى جولاۋشىلار پوەزى قوزعالىسىنىڭ كەستەسىنە سايكەس بەلگىلەنگەن ورنىنا پوشتا جونەلتىلىمدەرىن جانە ارنايى بايلانىس جونەلتىلىمدەرىن تاسىمالداۋ ءۇشىن بارلىق قاجەتتى شارالاردى قولدانادى. تاسىمالداۋشى پوشتا ۆاگوندارىن جۇردەك, جولاۋشى, پوشتا-باگاجدى پوەزدار قۇرامىنا قوسۋدى قامتاماسىز ەتەدى (بەكىتىلگەن پوەزداردى قالىپتاستىرۋ سىزباسىنا سايكەس, سونداي-اق جەكەلەگەن وتىنىمدەر بويىنشا, ەگەر پوەزدىڭ تەحنيكالىق پارامەترلەرى مۇمكىندىك بەرسە). 7. پوشتا ۆاگوندارى قوسىلاتىن پوەزداردى پوشتا وپەراتورىنىڭ ۇسىنۋى بويىنشا تاسىمالداۋشى انىقتايدى. 8. بەرۋ-جيناۋ, پوشتا ۆاگوندارىن تىركەۋ جانە ولاردىڭ ستانتسيا شەگىندە تۇراقتاۋى قازاقستان رەسپۋبليكاسى ۇكىمەتىنىڭ قاۋلىسىمەن بەكىتىلەتىن تەمىر جول كولىگىمەن جۇك تاسىمالداۋ قاعيداسىندا بەلگىلەنگەن تارتىپپەن كەلىسىم نەگىزىندە پوشتا وپەراتورى ەسەبىنەن جۇزەگە اسىرىلادى. 9. ەگەر پوشتا وپەراتورى ۇسىنعان پوەزد قۇرامىنا تەحنيكالىق پارامەترلەرى بويىنشا پوشتا ۆاگونىن قوسۋ مۇمكىن بولماسا, تاسىمالداۋشى وسى مارشرۋت بويىنشا جۇرەتىن ءتيىستى پوەزدى ۇسىنادى. بۇل رەتتە كەلىسپەۋشىلىك ەكى جاقتى تارتىپپەن كەلىسسوزدەر ارقىلى شەشىلەدى. 10. ەگەر بەلگىلەنگەن كەستەنىڭ قولدانىلۋى ارالىعىندا قۇرامىنا پوشتا ۆاگوندارى كىرەتىن پوەزداردىڭ ءجۇرۋ ارالىعى قىسقارتىلىپ نەمەسە الىنىپ تاستالسا, تاسىمالداۋشى ەگەر تەحنيكالىق پارامەترلەرى مۇمكىندىك بەرسە, پوشتا وپەراتورىنىڭ كەلىسىمى بويىنشا پوشتا ۆاگوندارىن باسقا پوەزد قۇرامىنا قوسادى. 11. جولاۋشىلار پوەزدارى قوزعالىسىنىڭ جاڭا كەستەسىن ازىرلەنگەن كەزدە ۇلتتىق تەمىر جول كومپانياسى پوشتا وپەراتورىنا كەستەنىڭ قولدانىسقا ەنگىزىلۋىنە دەيىنگى ءبىر اي مەرزىمنەن كەشىكتىرمەي حابارلايدى. 12. پوەزداردى قالىپتاستىرۋ سحەماسىندا كوزدەلگەن تەحنيكالىق اقاۋلى ۆاگونداردان باسقا پوشتا ۆاگوندارىن قۇرامعا قوسپاۋعا نەمەسە اعىتۋعا رۇقسات ەتىلمەيدى. 13. پوەزد قۇرامىنداعى پوشتا ۆاگونى ورنىنىڭ وزگەرتىلۋى تۋرالى نەمەسە تەحنيكالىق قاجەتتىلىگىنە بايلانىستى جول بويىندا پوشتا ۆاگونىن تەحنيكالىق جانە باسقا دا سەبەپتەرمەن قايتسە دە اجىراتۋ جونىندە تاسىمالداۋشى دەرەۋ پوشتا وپەراتورىنا حابارلايدى. 14. پوشتا ۆاگونىن اعىتۋ كەزىندە ستانتسيا باستىعى مەن پوشتا ۆاگونىنىڭ باستىعى اعىتۋدىڭ سەبەپتەرى كورسەتىلگەن ءۇش داناداعى اكت جاسايدى. ءبىر داناسى ۆاگون تىركەلگەن پوشتا وپەراتورىنىڭ بولىمشەسىنە جولدانادى. 15. پوشتا جونەلتىلىمدەرى تاسىمالداناتىن ۆاگوندارمەن اقاۋلىق (اۆاريا) بولعان جاعدايدا پوەزد جانە مانەۆرلىق جۇمىستا اقاۋلىق (اۆاريا) بولعان ستانتسيانىڭ باستىعى نەمەسە اقاۋلىق (اۆاريا) تۋرالى حابارلاما العان ستانتسيا باستىعى بۇل جونىندە تەلەفونمەن نەمەسە وزگە دە قولجەتىمدى بايلانىس قۇرالىمەن شۇعىل تۇردە جاقىن اراداعى پوشتا وپەراتورى بولىمشەسىنىڭ باستىعىنا حابارلايدى. مۇنداي جاعدايدا پوشتا وپەراتورى بولىمشەسىنىڭ باسشىسىنا اقاۋلىق (اۆاريا) بولعان جەرگە قالپىنا كەلتىرۋ پوەزى قۇرامىندا جۇرۋگە رۇقسات ەتىلەدى. ستانتسيا باستىعى پوشتا وپەراتورى قىزمەتكەرلەرىنە پوشتا جونەلتىلىمدەرى مەن ارنايى بايلانىس جونەلتىلىمدەرىن قورعاۋعا جانە باسقا ۆاگوندارعا قايتا تيەۋگە, سونداي-اق پوشتا جونەلتىمدەرىن باراتىن جەرى بويىنشا ودان ءارى جونەلتۋ ءۇشىن جۇمىس كۇشىمەن نەمەسە باسقا دا قۇرالدارمەن كومەك كورسەتۋى قاجەت. بۇل رەتتە ساقتاۋ ورنىنا قول جەتكىزۋمەن بايلانىستى جانە ۆاگوندا ارنايى جونەلتىلىمدەردىڭ بار بولۋى تۋرالى اقپاراتتى اشۋعا اكەلەتىن بارلىق ءىس-قيمىلدار قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ جەرگىلىكتى ورگانى (دەپارتامەنتى) قىزمەتكەرلەرىنىڭ قاتىسۋىمەن عانا جۇرگىزىلۋى مۇمكىن. 16. پوشتا جونەلتىلىمى زاقىمدالعان نەمەسە جويىلعان ءاربىر جاعداي تۋرالى پوشتا جونەلتىلىمدەرىنىڭ جويىلۋ نەمەسە زاقىمدالۋ سەبەپتەرى مەن تىزبەسى كورسەتىلە وتىرىپ, تاسىمالداۋشى مەن پوشتا وپەراتورىنىڭ قىزمەتكەرلەرى بىرلەسىپ قول قويعان اكت جاسالادى. اكتىنىڭ كوشىرمەسى پوشتا وپەراتورى قىزمەتكەرلەرىنە بەرىلەدى. 17. پوشتا ۆاگوندارىن تەحنيكالىق جارامدى جاي-كۇيدە ۇستاۋ, تەحنيكالىق قىزمەت كورسەتۋ, پوشتا ۆاگوندارىن دەپولىق جانە كۇردەلى جوندەۋ پوشتا وپەراتورى ەسەبىنەن جوسپارعا جانە سيپاتتامالارعا سايكەس جولاۋشىلار جىلجىمالى قۇرامى ءۇشىن بەلگىلەنگەن مەرزىمدەردە جۇرگىزىلەدى. نەگىزگى توراپتاردى قاراۋ, تەحنيكالىق قىزمەت كورسەتۋ (اربا, دوڭعالاق جۇپتارى, اۆتوتەجەۋىش, اۆتوتىركەۋ, گەنەراتور جەتەگى, بۋفەرلىك جيىنتىقتار) جانە اعىمداعى اعىتپا جوندەۋ تاسىمالداۋشى كۇشىمەن جۇرگىزىلەدى. 18. ەلەكتر جابدىعىن, توراپتاردى, ەلەكتر جانە ىشكى جابدىقتىڭ اگرەگاتتارىن اۋىستىرۋدى قوسا العاندا, ىشكى جابدىققا تەحنيكالىق قىزمەت كورسەتۋ تاسىمالداۋشىنىڭ نەمەسە ۇلتتىق تەمىر جول كومپانياسىنىڭ (تاسىمالداۋشىنىڭ) كىناسىنەن بولعان اقاۋلىقتاردان باسقا, شارت نەگىزىندە پوشتا وپەراتورى قاراجاتتارى ەسەبىنەن ۇلتتىق تەمىر جول كومپانيالارىنىڭ (تاسىمالداۋشىنىڭ) كۇشىمەن جۇزەگە اسىرىلادى. 19. پوشتا جانە ارنايى بايلانىس جونەلتىلىمدەرىن اۋىستىرۋ بەلگىلەنگەن ستانتسيالاردا پوەزداردى قابىلداۋ ستانتسيانىڭ تەحنيكا-وكىم ەتۋ اكتىلەرىندە ايقىندالعان جولدا جۇرگىزىلەدى, ال باسقا جاعدايدا ستانتسيا بويىنشا كەزەكشى الدىن الا پوشتا وپەراتورىنىڭ بولىمشەسىنە پوشتا ۆاگونىنىڭ توقتايتىن جەرى تۋرالى حابارلايدى. 20. پوشتا جونەلتىلىمدەرىمەن الماسۋ كەستەدە بەلگىلەنگەن ايالداۋ ۋاقىتىندا جۇزەگە اسىرىلادى. پوشتانىڭ دايىن بولماۋ سەبەبى بويىنشا پوەزداردى كىدىرتۋگە جول بەرىلمەيدى. 21. قۇرامىندا پوشتا جونەلتىلىمدەرى تاسىمالداناتىن پوەزدار كەشىككەن جانە ايىرباستاۋ پۋنكتتەرىندە تۇراقتاردى قىسقارتۋ جاعدايىندا تاسىمالداۋشىنىڭ قىزمەتكەرى پوشتا ۆاگونىنىڭ باستىعىنا جانە پوشتا وپەراتورىنا اۋىزشا نىساندا حابارلايدى. 22. قۇرامىندا پوشتا ۆاگوندارى جۇرەتىن جولاۋشىلار پوەزى پوشتا وپەراتورىنىڭ كىناسى بويىنشا كىدىرتىلگەن جاعدايدا تاسىمالداۋشى كوتەرگەن شىعىستاردى (شىعىنداردى) پوشتا وپەراتورى وتەيدى. 23. ۇزاقتىعى بەس مينۋتتان كەم پوشتا الماسۋ جۇرگىزىلەتىن ستانتسيالاردا پوەزداردى ايالداۋ ۋاقىتىن قىسقارتۋعا جول بەرىلمەيدى. 24. پوشتا ۆاگوندارىنان پوشتا جونەلتىلىمدەرىن تيەۋگە جانە تۇسىرۋگە تاسىمالداۋ ءۇشىن پوشتا وپەراتورى شاعىن مەحانيزاتسيا قۇرالدارىن, پوشتا اربالارى مەن كونتەينەرلەردى پايدالانادى. جولاۋشىلاردى وتىرعىزۋ جانە ءتۇسىرۋ ۋاقىتىندا شاعىن مەحانيزاتسيا قۇرالدارىن, اربالار مەن كونتەينەرلەردى قاداعالاۋسىز تاسىمالداۋعا جانە ولاردىڭ تۇعىرلار مەن پەررونداردا بولۋىنا رۇقسات ەتىلمەيدى. 25. تيەلگەن پوشتا جونەلتىلىمدەرىنىڭ جالپى سالماعى پوشتا ۆاگونىنىڭ جۇك كوتەرگىشتىگىنەن ارتپاۋى ءتيىس. پوشتا جونەلتىلىمدەرىنىڭ سالماعىن ۆاگون تارازىلارىندا تاسىمالداۋشىنىڭ ۋاكىلەتتى ورگانى تەكسەرۋىنە رۇقسات ەتىلەدى. 26. پوشتا ۆاگوندارىن جونەلتۋ ءتيىستى تاسىمالداۋ قۇجاتتارىمەن رەسىمدەلەدى, ولاردى پوشتا وپەراتورى بولىمشەلەرىنىڭ وتىنىمدەرى نەگىزىندە جونەلتۋ ستانتسياسىنىڭ باگاج كاسساسى ءاربىر ۆاگونعا جاسايدى. 27. پوشتا وپەراتورى ۆاگوندا بولۋ ءتارتىبىن, ءجۇرۋ جانە پوشتا جونەلتىلىمدەرىن الىپ ءجۇرۋ, ارنايى بايلانىسپەن جونەلتۋلەر مەن ولاردى سۇرىپتاۋ, پوشتا ۆاگوندارىن وڭدەۋ ءتارتىبىن قىزمەتكەرلەردىڭ ساقتاۋىن تەكسەرۋدى دەربەس جۇزەگە اسىرادى. جول پاراقتارىن تەكسەرۋ, رەسىمدەۋ جانە قىزمەتكەرلەردىڭ ءجۇرۋ ءتارتىبى پوشتا وپەراتورىنىڭ ىشكى نورماتيۆتىك قۇجاتتارىمەن ايقىندالادى. 28. تەمىر جول كولىگىمەن پوشتا تاسىمالدارىن جانە ارنايى بايلانىس جونەلتىلىمدەرىن تاسىمالداۋعا قىزمەت كورسەتەتىن پوشتا وپەراتورىنىڭ قىزمەتكەرلەرى, سونداي-اق تەمىر جول ستانتسيالارىندا پوشتا جونەلتىلىمدەرىن جانە ارنايى بايلانىس جونەلتىلىمدەرىن قابىلداۋ جانە تاپسىرۋدى جۇرگىزەتىن قىزمەتكەرلەر وزدەرىنىڭ قىزمەتتىك كۋالىكتەرى بويىنشا تەمىر جول قىزمەتكەرلەرى ءۇشىن بەلگىلەنگەن قىزمەتتىك ءوتۋ جولدارىن پايدالانۋى مۇمكىن. 29. شەكارالىق تەمىر جول ستانتسيالارىندا پوەزدار توقتاعان ۋاقىتتا پوشتا ۆاگوندارىن (قويمالىق پلومبالانعاننان باسقا) شەكارالىق كەدەندىك قىزمەتتەردىڭ قاراۋىنا رۇقسات ەتىلەدى. ارنايى بايلانىس جونەلتىلىمدەرى قازاقستان رەسپۋبليكاسىنىڭ مەملەكەتتىك قۇپيالاردى قورعاۋ سالاسىنداعى زاڭناماعا, 1993 جىلعى 23 جەلتوقسانداعى قازاقستان رەسپۋبليكاسى راتيفيكاتسيالاعان «ارنايى بايلانىس جونەلتىلىمدەرىمەن مەملەكەتارالىق الماسۋ تۋرالى» ۇكىمەتارالىق كەلىسىمگە سايكەس قاراپ تەكسەرۋگە جاتپايدى.3. پوشتا جونەلتىلىمدەرىن تاسىمالداۋ ءۇشىن ەسەپ ايىرىسۋلار
30. جوندەۋ پۋنكتىنە دەيىن ءجۇرۋ جولىندا اعىتىلعان تەحنيكالىق جارامسىز بوس پوشتا ۆاگوندارىنىڭ ءجۇرىسى, سونداي-اق جارامسىز ۆاگوندارعا ايىرباستاۋعا جىبەرىلگەن جارامدى ۆاگونداردىڭ ءجۇرىسى ءۇشىن, ەگەر سوڭعىلارىنىڭ جارامسىزدىعى پوشتا وپەراتورىنىڭ كىناسىنەن بولماسا, تولەم بويىنشا شوت كورسەتىلگەن ءىس-قيمىلداردى جاساۋدا كىنالى تاراپتارعا ۇسىنىلادى. 31. پوشتا وپەراتورى بولىمشەلەرىنىڭ پايدالانۋىنداعى تەمىر جول ستانتسيالارى شەكتەرىنەن تىستاعى بولىنگەن تۇيىقتاردا پوشتا ۆاگوندارىن بەرۋگە, اكەتۋگە الىم ستانتسيانىڭ شەتكى نۇكتەسىنەن جوعارىدا كورسەتىلگەن تۇيىق نۇكتەسىنە دەيىنگى اراقاشىقتىققا بايلانىستى تۇرۋ جولىنداعى ءاربىر بەرۋ, اكەتۋ ءۇشىن قازاقستان رەسپۋبليكاسىنىڭ زاڭناماسىندا بەلگىلەنگەن تاريفتەر (باعالار, ستاۆكالار, الىمدار) مولشەرىندە ءوندىرىپ الىنادى. 32. پوشتا وپەراتورىنىڭ تالابى بويىنشا جارامدى پوشتا ۆاگوندارىنىڭ ءجۇرىسى, تەحنيكالىق جارامسىز ۆاگونداردىڭ, ەگەر سوڭعىلارىنىڭ جارامسىزدىعى پوشتا وپەراتورىنىڭ كىناسىنان بولسا, جول ءجۇرۋى جانە كەزەڭدىك جوندەۋ مەرزىمى كەلگەن جوندەۋگە جىبەرىلەتىن پوشتا ۆاگوندارىنىڭ ءجۇرىسى پوشتا جونەلتىمدەرىن تاسىمالداۋ ءۇشىن بەلگىلەنگەن ستاۆكالار بويىنشا تولەنەدى. بوس ۆاگونداردى جونەلتۋگە ارنالعان تاسىمالداۋ قۇجاتتارىندا پوشتا بايلانىسىنىڭ قىزمەتكەرلەرى مىناداي جونەلتۋ سەبەپتەرىن كورسەتەدى: جارامسىز, جوندەۋ ءۇشىن; جوندەۋدەن كەيىن تىركەلگەن ورنىنا; جولداعى جارامسىزدى اۋىستىرۋ ءۇشىن; جارامسىزدى اۋىستىرعاننان كەيىن تىركەلگەن ورنىنا; ستانتسياعا رەزەرۆ ءۇشىن; جەلىگە قاتىناۋ ءۇشىن.4. پوشتا جونەلتىلىمدەرىن تاسىمالداۋعا ارنالعان قۇجاتتاردى رەسىمدەۋ
33. جولاۋشىلار تاسىمالدارىن باسقارۋدىڭ اۆتوماتتاندىرىلعان جۇيەسىن پايدالانۋمەن رەسىمدەۋگە پوشتا وپەراتورى بولىمشەلەرىنىڭ وتىنىمدەرى نەگىزىندە جونەلتۋ ستانتسيالارىندا جولاۋشىلار پوەزدارىنىڭ (ۆاگون بويى جونەلتۋلەر) قۇرامىنداعى پوشتا ۆاگوندارىندا پوشتا جونەلتىلىمدەرىن تاسىمالداۋعا ارنالعان قۇجاتتار جاتادى. 34. جولاۋشىلار تاسىمالدارىن باسقارۋدىڭ اۆتوماتتاندىرىلعان جۇيەسىمەن پوشتا تاسىمالدارىنا ارنالعان قۇجاتتاردى رەسىمدەۋ كەزىندە پوشتا ۆاگونى ءجۇرىسىنىڭ قۇنى (تاسىمالداۋ تولەمى) ەسەپتەلەدى. 35. پوشتا ۆاگونى ءجۇرىسىنىڭ قۇنى (تاسىمالداۋ تولەمى) مەملەكەت شەكاراسىن جانە ءجۇرىستىڭ ۆاگون-كيلومەترگە تاريفتىك ستاۆكاسىن نەگىزگە الا وتىرىپ, ەسەپتەلەدى. 36. كەز كەلگەن تەمىر جول ستانتسيالارىنىڭ اراسىندا پوشتا ۆاگوندارى جۇرىسىنە تولەۋگە ارنالعان ف.رس-97 تۇبىرتەكتەرىن باستاپقى جونەلتۋ پۋنكتىندە جولاۋشىلار تاسىمالدارىن باسقارۋدىڭ اۆتوماتتاندىرىلعان جۇيەسىن پايدالانا وتىرىپ, رەسىمدەۋ كەزىندە ەسەپكە الۋعا تاسىمالداۋ تولەمى سومالارى عانا جاتادى, ۆاگون-كيلومەتر جۇمىستى ەسەپكە الۋ جۇرگىزىلمەيدى. 37. پوشتا ۆاگونىنىڭ اينالۋ پۋنكتىندە ف.رس-97 تۇبىرتەكتەر دەرەكتەرى نەگىزىندە تاسىمالداۋ قۇجاتتارى رەسىمدەلەدى (پوشتالىق ۆاگونداردى جونەلتۋگە قۇقىق بەرەتىن), ولار بويىنشا پوشتا تاسىمالدارى بويىنشا ۆاگون-كيلومەتر جۇمىستارىن ەسەپكە الۋ جۇرگىزىلەدى. 38. پوشتا تاسىمالدارىن قولما-قول اقشاسىز ەسەپ ايىرىسۋ بويىنشا رەسىمدەۋگە رۇقسات ەتىلەدى.__________________________