2011 جىلعى 7 ماۋسىم, استانا, ۇكىمەت ءۇيى
وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ ءبىلىم بەرۋگە 2011 جىلعا ارنالعان رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ قاعيداسىن بەكىتۋ تۋرالى
«2011 – 2013 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ 2010 جىلعى 29 قاراشاداعى زاڭىنىڭ 11-بابىن ىسكە اسىرۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ ءبىلىم بەرۋگە 2011 جىلعا ارنالعان رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ قاعيداسى (بۇدان ءارى – قاعيدا) بەكىتىلسىن. 2. قازاقستان رەسپۋبليكاسى ءبىلىم جانە عىلىم مينيسترلىگى (بۇدان ءارى – مينيسترلىك): 1) قازاقستان رەسپۋبليكاسىنىڭ ۇكىمەتى بەلگىلەگەن تارتىپپەن وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە اعىمداعى نىسانالى ترانسفەرتتەردىڭ بەكىتىلگەن سوماسىن اۋدارۋدى; 2) وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ رەسپۋبليكالىق بيۋدجەتتەن اعىمداعى نىسانالى ترانسفەرتتەردى پايدالانۋ مونيتورينگىن قامتاماسىز ەتسىن. 3. وبلىستاردىڭ, استانا جانە الماتى قالالارىنىڭ اكىمدەرى: 1) بولىنگەن اعىمداعى نىسانالى ترانسفەرتتەردىڭ ۋاقتىلى جانە ماقساتتى پايدالانىلۋىن; 2) مينيسترلىككە ەسەپتىدەن كەيىنگى ايدىڭ بەسىنشى كۇنىنە دەيىن بولىنگەن اعىمداعى نىسانالى ترانسفەرتتەردىڭ پايدالانىلۋى تۋرالى ەسەپتەر بەرۋدى قامتاماسىز ەتسىن. 4. وسى قاۋلى 2011 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ
قازاقستان رەسپۋبليكاسى ۇكىمەتىنىڭ 2011 جىلعى «7» ماۋسىمداعى № 640 قاۋلىسىمەن بەكىتىلگەن
وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ ءبىلىم بەرۋگە 2011 جىلعا ارنالعان رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ قاعيداسى
1. وسى وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ ءبىلىم بەرۋگە 2011 جىلعا ارنالعان رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ قاعيداسى وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە: 011 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە مەكتەپكە دەيىنگى ءبىلىم بەرۋ ۇيىمدارىندا مەملەكەتتىك ءبىلىم بەرۋ تاپسىرىسىن ىسكە اسىرۋعا بەرىلەتىن اعىمداعى نىسانالى ترانسفەرتتەر»; 031 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە قازاقستان رەسپۋبليكاسىندا ءبىلىم بەرۋدى دامىتۋدىڭ 2011 – 2020 جىلدارعا ارنالعان مەملەكەتتىك باعدارلاماسىن ىسكە اسىرۋعا بەرىلەتىن اعىمداعى نىسانالى ترانسفەرتتەر» (ونىڭ ىشىندە كىشى باعدارلامالار بويىنشا): 102 «ۇيدە وقيتىن مۇگەدەك بالالاردى جابدىقتارمەن, باعدارلامالىق قامتىممەن قامتاماسىز ەتۋ»; 103 «ورتا جانە جالپى ورتا ءبىلىم بەرەتىن مەملەكەتتىك مەكەمەلەردەگى فيزيكا, حيميا, بيولوگيا كابينەتتەرىن وقۋ جابدىعىمەن جاراقتاندىرۋ»; 104 «باستاۋىش, نەگىزگى ورتا جانە جالپى ورتا ءبىلىم بەرەتىن مەملەكەتتىك مەكەمەلەردە لينگافوندىق جانە مۋلتيمەديالىق كابينەتتەر قۇرۋ»; 045 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە تەحنيكالىق جانە كاسىپتىك ءبىلىم بەرۋ وقۋ ورىندارىنداعى وقۋ-وندىرىستىك شەبەرحانالاردى, زەرتحانالاردى جاڭارتۋ مەن قايتا جابدىقتاۋعا بەرىلەتىن اعىمداعى نىسانالى ترانسفەرتتەر»; 046 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە پەداگوگ كادرلاردىڭ بىلىكتىلىگىن ارتتىرۋ ءۇشىن وقۋ جابدىعىن ساتىپ الۋعا بەرىلەتىن اعىمداعى نىسانالى ترانسفەرتتەر» رەسپۋبليكالىق بيۋدجەتتىك باعدارلامالار بويىنشا رەسپۋبليكالىق بيۋدجەتتەن بولىنەتىن اعىمداعى نىسانالى ترانسفەرتتەردى پايدالانۋ ءتارتىبىن ايقىندايدى. 2. وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە بولىنگەن اعىمداعى نىسانالى ترانسفەرتتەردى پايدالانۋ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جۇزەگە اسىرىلادى. 3. قازاقستان رەسپۋبليكاسى ءبىلىم جانە عىلىم مينيسترلىگى فيزيكا, حيميا, بيولوگيا كابينەتتەرىنىڭ وقۋ جابدىقتارىن, لينگافوندىق جانە مۋلتيمەديالىق كابينەتتەردى, پەداگوگ كادرلاردىڭ بىلىكتىلىگىن ارتتىرۋ ءۇشىن وقۋ جابدىعىن مەملەكەتتىك ساتىپ الۋ جونىندەگى كونكۋرستاردى بىرىڭعاي ۇيىمداستىرۋشى رەتىندە ارەكەت ەتەدى. 4. ءبىلىم بەرۋ سالاسىنداعى جەرگىلىكتى اتقارۋشى ورگاندار: مەكتەپكە دەيىنگى ءبىلىم بەرۋ ۇيىمدارىندا مەملەكەتتىك ءبىلىم بەرۋ تاپسىرىسىن ىسكە اسىرۋ; ۇيدە وقيتىن مۇگەدەك بالالاردى جابدىقپەن, باعدارلامالىق قامتىممەن قامتاماسىز ەتۋ; نەگىزگى ورتا جانە جالپى ورتا ءبىلىم بەرەتىن مەملەكەتتىك مەكەمەلەردەگى فيزيكا, حيميا, بيولوگيا كابينەتتەرىن وقۋ جابدىعىمەن جاراقتاندىرۋ; باستاۋىش, نەگىزگى ورتا جانە جالپى ورتا ءبىلىم بەرەتىن مەملەكەتتىك مەكەمەلەردە لينگافوندىق جانە مۋلتيمەديالىق كابينەتتەر قۇرۋ; تەحنيكالىق جانە كاسىپتىك ءبىلىم بەرەتىن وقۋ ورىندارىنىڭ وقۋ-وندىرىستىك شەبەرحانالارىن, زەرتحانالارىن جاڭارتۋ مەن قايتا جابدىقتاۋ; پەداگوگ كادرلاردىڭ بىلىكتىلىگىن ارتتىرۋ ءۇشىن وقۋ جابدىعىن ساتىپ الۋ جونىندەگى ءىس-شارالار كەشەنىن قازاقستان رەسپۋبليكاسىنىڭ زاڭناماسىندا بەلگىلەگەن تارتىپپەن جۇزەگە اسىرادى. 5. وبلىستاردىڭ, استانا جانە الماتى قالالارىنىڭ ءبىلىم بەرۋ سالاسىنداعى جەرگىلىكتى اتقارۋشى ورگاندارى قازاقستان رەسپۋبليكاسى ءبىلىم جانە عىلىم مينيسترلىگىنە توقسان سايىن, ەسەپتىدەن كەيىنگى ايدىڭ بەسىنشى كۇنىنە دەيىنگى مەرزىمدە قازاقستان رەسپۋبليكاسى قارجى مينيسترلىگى بەلگىلەگەن نىسان بويىنشا فيزيكا, حيميا, بيولوگيا كابينەتتەرىنىڭ وقۋ جابدىقتارىن, لينگافوندىق جانە مۋلتيمەديالىق كابينەتتەردى, پەداگوگ كادرلارىنىڭ بىلىكتىلىگىن ارتتىرۋ ءۇشىن وقۋ جابدىعىن مەملەكەتتىك ساتىپ الۋ تۋرالى شارتتاردىڭ جاسالۋى جانە ورىندالۋى تۋرالى ەسەپتەردى ۇسىنادى. 6. قازاقستان رەسپۋبليكاسى ءبىلىم جانە عىلىم مينيسترلىگى تولەمدەر بويىنشا جەكە قارجىلاندىرۋ جوسپارىنىڭ جانە اعىمداعى نىسانالى ترانسفەرتتەر بويىنشا ناتيجەلەر تۋرالى كەلىسىمنىڭ (بۇدان ءارى – كەلىسىم) نەگىزىندە وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە رەسپۋبليكالىق بيۋدجەتتەن اعىمداعى نىسانالى ترانسفەرتتەردى ايدىڭ العاشقى بەس جۇمىس كۇنىندە (قاڭتار ايىنىڭ جيىرما بەسىنشى كۇنىنەن كەشىكتىرمەي) اۋدارۋدى جۇرگىزەدى. 7. وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى جارتى جىلدىقتىڭ جانە جىلدىڭ قورىتىندىلارى بويىنشا قازاقستان رەسپۋبليكاسى ءبىلىم جانە عىلىم مينيسترلىگىنە كەلىسىمدەرگە سايكەس بولىنگەن نىسانالى ترانسفەرتتەردى پايدالانۋ ەسەبىنەن قول جەتكىزىلگەن تىكەلەي جانە تۇپكىلىكتى ناتيجەلەر تۋرالى ەسەپ بەرەدى. 8. قازاقستان رەسپۋبليكاسى ءبىلىم جانە عىلىم مينيسترلىگى قازاقستان رەسپۋبليكاسى قارجى مينيسترلىگىنە تىكەلەي جانە تۇپكىلىكتى ناتيجەلەرگە ءىس جۇزىندە قول جەتكىزۋ تۋرالى جارتى جىلدىقتىڭ قورىتىندىلارى بويىنشا ەسەپتىلىكتى اعىمداعى جىلعى 30 شىلدەدەن كەشىكتىرمەي, جيىنتىق ەسەپتى كەلەسى قارجى جىلىنىڭ 1 اقپانىنان كەشىكتىرمەي بەرەدى.