تەمىر جول كاسىبىن ءبىرىنشى باستاعان اۋلەتتىڭ وتاعاسى كۇشىكباەۆ تازابەك جاڭاباي ۇلى ۇوس كەزىندە تىلدا ەڭبەك ەتىپ, ودان سوڭ ارىستاعى تەمىرجول سۋ مەكەمەسىندە 36 جىل جۇمىس ىستەپ, زەينەتكەرلىككە شىقتى. سول جىلدار ىشىندە ول ىرگەلەس جاتقان تالدىقۇدىق, قابىلساي, شاعىر ستانسالارى مەن رازەزدەرىندەگى حالىقتى سۋمەن قامتىعان.
بۇگىندە جاڭاباي اقساقال 85 جاستا. 7 ۇل مەن 3 قىز تاربيەلەپ ءوسىردى. ولاردان 22 نەمەرە, 18 شوبەرە ءسۇيىپ وتىر. جارى رايحان اپامىز كەڭەس وداعى كەزىندە «باتىر انا», تاۋەلسىز ەلىمىز بەرگەن «التىن القا» يەگەرى اتاندى.
ارىس قالاسى ماڭىنداعى بۇرىنعى قابىلساي بەكەتىندە تۇراتىن جاڭاباي قاريا باستاعان تەمىرجولشى ماماندىعىنا وتباسىنان 17 ادام قوسىلىپ, بۇگىندە 14-ءى جالعاستىرۋدا. ياعني, 7 ۇلى مەن ەكى كەلىنى جانە 5 نەمەرەسى اتا كاسىپتى مەڭگەرگەن.
جاڭاباەۆتار اۋلەتىنىڭ ۇزاق جىلدار بويى تەمىرجول سالاسىندا سىڭىرگەن ەڭبەكتەرى, جەتكەن جەتىستىكتەرى مەن قابىلەتتىلىكتەرىن, بازالىق دايىندىقتارىن ەسكەرە وتىرىپ قوعامدا ەڭبەك ادامىنىڭ مارتەبەسىن ارتتىرۋ جانە ەڭبەك ونىمدىلىگىن ىنتالاندىرۋ ماقساتىندا وبلىس اكىمىنىڭ «ۇزدىك ەڭبەك ديناستياسى» نوميناتسياسى بەرىلگەن بولاتىن.