قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ جونىندەگى شارالار تۋرالى
مەملەكەتتىك باسقارۋ جۇيەسىنىڭ تيىمدىلىگىن ارتتىرۋ ماقساتىندا قاۋلى ەتەمىن:
1. قازاقستان رەسپۋبليكاسىنىڭ ۇكىمەتى:
1) قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگىنە:
قازاقستان رەسپۋبليكاسى قارجى مينيسترلىگىنىڭ – سالىق ساياساتىن, بيۋدجەت ساياساتىن, كەدەن ءىسى, مەملەكەتتىك جانە مەملەكەت كەپىلدىك بەرگەن قارىز الۋ مەن بورىش سالاسىنداعى ساياساتتى ءازىرلەۋ جانە قالىپتاستىرۋ سالاسىنداعى;
قازاقستان رەسپۋبليكاسى اۋىل شارۋاشىلىعى مينيسترلىگىنىڭ – اۋىلدىق اۋماقتاردى دامىتۋ ساياساتىن ازىرلەۋ, قالىپتاستىرۋ ءجانە ىسكە اسىرۋ سالاسىنداعى;
قازاقستان رەسپۋبليكاسى سىرتقى ىستەر مينيسترلىگىنىڭ – حالىقارالىق ەكونوميكالىق ىنتىماقتاستىق اياسىنىڭ ۇيلەستىرۋ سالاسىنداعى;
قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ – تابيعي مونوپوليالار مەن رەتتەلەتىن نارىقتار اياسىنداعى ساياساتتى ازىرلەۋ جانە قالىپتاستىرۋ سالاسىنداعى;
قازاقستان رەسپۋبليكاسى ءباسەكەلەستىكتى قورعاۋ اگەنتتىگىنىڭ (مونوپولياعا قارسى اگەنتتىك) – باسەكەلەستىكتى قورعاۋ جانە مونوپوليالىق قىزمەتتى شەكتەۋ ماسەلەلەرى جونىندەگى ساياساتتى ازىرلەۋ جانە قالىپتاستىرۋ سالاسىنداعى فۋنكتسيالارى مەن وكىلەتتىكتەرىن;
2) قازاقستان رەسپۋبليكاسى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگىنە جەرگىلىكتى اتقارۋشى ورگانداردىڭ مەملەكەتتىك ساۋلەت-قۇرىلىس باقىلاۋ جانە ليتسەنزيالاۋ ماسەلەلەرى جونىندەگى فۋنكتسيالارى مەن وكىلەتتىكتەرىن بەرۋدى قامتاماسىز ەتسىن.
2. قازاقستان رەسپۋبليكاسىنىڭ ۇكىمەتى:
1) قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگىنىڭ قىزمەتىندە:
ستراتەگيالىق جوسپارلاۋ;
الەۋمەتتىك-ەكونوميكالىق دامۋدى بولجامداۋ جانە تالداۋ;
مەملەكەتتىك اكتيۆتەردى باسقارۋ, ونىڭ ىشىندە كورپوراتيۆتىك باسقارۋ ساپاسىن ارتتىرۋ ساياساتىن ازىرلەۋ;
مەملەكەتتىك ينۆەستيتسيالىق ساياسات;
ەكونوميكا سالالارىنداعى مەملەكەتتىك-جەكە مەنشىك ارىپتەستىكتى دامىتۋ;
مەملەكەتتىك رۇقسات بەرۋ جۇيەسىن جەتىلدىرۋ مەن وڭتايلاندىرۋ جانە جەكە كاسىپكەرلىك سۋبەكتىلەرىنىڭ قىزمەتىن مەملەكەتتىك باقىلاۋ مەن قاداعالاۋ سالاسىنداعى مەملەكەتتىك ساياسات پەن ۆەدومستۆوارالىق ۇيلەستىرۋدى, سونداي-اق جەكە كاسىپكەرلىكتى قولداۋ مەن دامىتۋ شارالارىن ىسكە اسىرۋ;
وڭىرلەردى دامىتۋدىڭ مەملەكەتتىك ساياساتىن ىسكە اسىرۋ جانە جەرگىلىكتى ءوزىن-ءوزى باسقارۋ ماسەلەلەرى جونىندە ۇسىنىستار ازىرلەۋ;
تابيعي مونوپوليالار سالالارىندا تاۋارلار مەن قىزمەتتەر نارىقتارىندا تاريفتىك ساياساتتى جانە باعا بەلگىلەۋ سالاسىنداعى ساياساتتى ايقىنداۋ;
حالىقارالىق ەكونوميكالىق جانە قارجىلىق قاتىناستار, ونىڭ ىشىندە حالىقارالىق ەكونوميكالىق ينتەگراتسيانى رەتتەۋ سالاسىنداعى فۋنكتسيالاردى كۇشەيتۋدى;
2) مىنالاردى:
قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگىنىڭ وڭىرلىك دامۋ كوميتەتىن;
قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگىنىڭ كاسىپكەرلىكتى دامىتۋ كوميتەتىن;
قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەتەريناريالىق باقىلاۋ جانە قاداعالاۋ كوميتەتىن قۇرۋدى;
3) مىنالاردىڭ:
وسى جارلىقتىڭ 1- تارماعىنىڭ 1) تارماقشاسىندا كورسەتىلگەن قازاقستان رەسپۋبليكاسى مەملەكەتتىك ورگاندارىنىڭ ءتيىستى شتات سانىن قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگىنە;
وسى جارلىقتىڭ 1-تارماعىنىڭ 2) تارماقشاسىندا كورسەتىلگەن, بەرىلەتىن فۋنكتسيالاردى ەسەپكە الا وتىرىپ, جەرگىلىكتى اتقارۋشى ورگانداردىڭ ءتيىستى شتات سانىن قازاقستان رەسپۋبليكاسى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگىنە بەرۋدى;
4) قوسىمشا شتات سانىن, سونداي-اق قازاقستان رەسپۋبليكاسى الماتى قالاسىنىڭ وڭىرلىك قارجى ورتالىعىنىڭ قىزمەتىن رەتتەۋ اگەنتتىگىنە رەسپۋبليكالىق بيۋدجەتتە كوزدەلگەن جانە ول تاراتىلعاننان كەيىن قالعان قاراجاتتى وسى جارلىقتىڭ 2-تارماعىنىڭ 1) تارماقشاسىندا كوزدەلگەن فۋنكتسيالار مەن وكىلەتتىكتەردى ورىنداۋ ءۇشىن, ونىڭ ىشىندە قازاقستان رەسپۋبليكاسى ەكونوميكالىق ينتەگراتسيا ىستەرى ءمينيسترىنىڭ قىزمەتىن قامتاماسىز ەتۋ جانە ونىڭ حاتشىلىعىنىڭ فۋنكتسيالارىن ورىنداۋ ءۇشىن قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگىنە ءبولۋدى;
5) مىنالاردى:
«سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامىنىڭ «دامۋ» كاسىپكەرلىكتى دامىتۋ قورى» اكتسيونەرلىك قوعامى اكتسيالارىنىڭ پاكەتىن قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگىنە;
«سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامىنىڭ «قازاقستاننىڭ دامۋ بانكى» اكتسيونەرلىك قوعامى اكتسيالارىنىڭ پاكەتىن قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنە;
«سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامىنىڭ «قازاقستان ينۆەستيتسيالىق قورى» اكتسيونەرلىك قوعامى اكتسيالارىنىڭ پاكەتىن قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنە;
«سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامىنىڭ «Kazyna Capital Management» اكتسيونەرلىك قوعامى اكتسيالارىنىڭ پاكەتىن قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنە;
«سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامىنىڭ «قازەكسپورتگرانت» ەكسپورتتىق-كرەديتتىك ساقتاندىرۋ كومپانياسى» اكتسيونەرلىك قوعامى اكتسيالارىنىڭ پاكەتىن قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنە سەنىمگەرلىك باسقارۋعا بەرۋدى;
6) مىنالارعا:
«سترەستى اكتيۆتەر قورى» اكتسيونەرلىك قوعامىنىڭ اكتسيالار پاكەتىن يەلەنۋ جانە پايدالانۋ قۇقىقتارىن قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگىنە;
«قازاقستاننىڭ تۇرعىن ءۇي قۇرىلىس جيناق بانكى», «يپوتەكالىق كرەديتتەرگە كەپىلدىك بەرۋدىڭ قازاقستاندىق قورى», «قازاقستاندىق يپوتەكالىق كومپانيا» يپوتەكالىق ۇيىمى» اكتسيونەرلىك قوعامدارى اكتسيالارىنىڭ پاكەتتەرىن يەلەنۋ جانە پايدالانۋ قۇقىقتارىن قازاقستان رەسپۋبليكاسى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگىنە بەرۋدى;
7) وسى جارلىقتان تۋىندايتىن زاڭداردىڭ جوبالارىن ازىرلەۋدى جانە قازاقستان رەسپۋبليكاسى پارلامەنتى ءماجىلىسىنىڭ قاراۋىنا ەنگىزۋدى;
8) وسى جارلىقتى ىسكە اسىرۋ جونىندەگى وزگە دە شارالار قابىلداۋدى قامتاماسىز ەتسىن.
3. «ۇلتتىق ەكونوميكانىڭ باسەكەگە قابىلەتتىلىگى مەن تۇراقتىلىعىن قامتاماسىز ەتۋ جونىندەگى كەيبىر شارالار تۋرالى» قازاقستان رەسپۋبليكاسى پرەزيدەنتىنىڭ 2008 جىلعى 13 قازانداعى №669 جارلىعىنا (قازاقستان رەسپۋبليكاسىنىڭ ءپۇاج-ى, 2008 ج., №41, 454-قۇجات) مىنانداي وزگەرىس ەنگىزىلسىن:
1-تارماقتىڭ 3) تارماقشاسىنىڭ ءۇشىنشى ابزاتسىنداعى «قازاقستاندىق يپوتەكالىق كومپانيا»,» دەگەن سوزدەر الىپ تاستالسىن.
4. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى نازارباەۆ.
استانا, اقوردا, 2011 جىلعى 10 تامىز. №136