كەشە پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن پالاتانىڭ جۇمىس جوسپارىنا سايكەس وتىرىس بولىپ ءوتتى, دەپ حابارلادى ءماجىلىستىڭ ءباسپاسوز قىزمەتى.
وتىرىستا ۇستىمىزدەگى جىلعى 1 قىركۇيەك كۇنى مەملەكەت باسشىسىنىڭ قاتىسۋىمەن وتەتىن قوس پالاتانىڭ بىرلەسكەن وتىرىسىندا قازاقستان رەسپۋبليكاسى پارلامەنتىنىڭ ءتورتىنشى شاقىرىلىمىنىڭ 5-ءشى سەسسياسىنىڭ اشىلۋىنا دايىندىق جۇمىستارى ءجونىندە ماسەلە قارالدى.
وسىعان وراي ءماجىلىس ءتوراعاسى پالاتانىڭ سالالىق كوميتەتتەرى مەن اپپاراتتىڭ قۇرىلىمدىق ءبولىمدەرىنە جاڭا سەسسيانىڭ اشىلۋىنا دايىندىق جۇمىستارىن ۇيىمداستىرۋ تۋرالى تاپسىرما بەردى.
سونىمەن قاتار, پالاتانىڭ 5-ءشى سەسسياسىنا ارنالعان جۇمىس جوسپارى مەن ءماجىلىستىڭ ءبىرىنشى جالپى وتىرىسىنا دايىندىق ماسەلەلەرى دە قارالدى.
وتىرىسقا پالاتا توراعاسىنىڭ ەكى ورىنباسارى مەن اپپاراتتىڭ باسقا دا جاۋاپتى قىزمەتكەرلەرى قاتىستى.