ەلدى اۋماقتىق-كەڭىستىكتە دامىتۋدىڭ 2020 جىلعا دەيىنگى بولجامدى سحەماسىن بەكىتۋ تۋرالى
ەلدىڭ ءاربىر ءوڭىرىنىڭ الەۋمەتتىك-ەكونوميكالىق الەۋەتىن دامىتۋ جانە ءتيىمدى پايدالانۋ نەگىزىندە حالىقتىڭ ءال-اۋقاتىن ارتتىرۋدى قامتاماسىز ەتەتىن جاعدايلار جاساۋ ماقساتىندا قاۋلى ەتەمىن:
1. ەلدى اۋماقتىق-كەڭىستىكتە دامىتۋدىڭ 2020 جىلعا دەيىنگى بولجامدى سحەماسى (بۇدان ءارى – بولجامدى سحەما) بەكىتىلسىن.
2. قازاقستان رەسپۋبليكاسىنىڭ ۇكىمەتى:
1) ءۇش اي مەرزىمدە بولجامدى سحەمانى ىسكە اسىرۋ جونىندەگى ءىس-شارالار جوسپارىن ازىرلەسىن جانە بەكىتسىن;
2) وسى جارلىقتان تۋىندايتىن وزگە دە شارالاردى قابىلداسىن.
3. «قازاقستان رەسپۋبليكاسىنىڭ 2015 جىلعا دەيىنگى اۋماقتىق دامۋ ستراتەگياسى تۋرالى» قازاقستان رەسپۋبليكاسى پرەزيدەنتىنىڭ 2006 جىلعى 28 تامىزداعى №167 جارلىعىنىڭ (قازاقستان رەسپۋبليكاسىنىڭ ءپۇاج-ى, 2006 ج., №31, 337-قۇجات) كۇشى جويىلدى دەپ تانىلسىن.
4. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن.نازارباەۆ.
استانا, اقوردا, 2011 جىلعى 21 شىلدە, №118