ەۇۋ ەرلەدى

ل.ن.گۋميلەۆ اتىنداعى ەۇۋ الەمنىڭ 20 مىڭ جوعارى وقۋ ورىن­دارى اراسىندا وتكەن رەيتينگتە 4082-ءشى ورىنعا يە بولدى. 2011 جىلدىڭ شىلدە ايىندا وتكىزىلگەن رەيتينگتە ل.ن. گۋ­مي­لەۆ اتىنداعى ەۇۋ Webometrics مالىمەتتەرى بويىنشا, ەلىمىزدەگى جوو اراسىندا مۇنداي ورىنعا يە بولعان جالعىز ۋنيۆەرسيتەت. 4 601-ءشى پوزيتسيادا قازاقستان مەنەدج­­مەنت, ەكونوميكا جانە بولجاۋ ينستي­تۋ­تى بولسا, ە.بوكەتوۆ ات­ىن­داعى قا­راعاندى مەملەكەتتىك ۋنيۆەرسيتەتى 4 897-ءشى ورىندا. Webometrics ۋنيۆەرسيتەت سايت­تارىنىڭ رەيتينگىن «Laboratorio de Internet» اتتى يسپاندىق زەرتتەۋ توبى جۇرگىزەدى. الەمنىڭ 20 مىڭنان استام جوو اراسىندا ءوت­كەن رەيتينگتە ۋنيۆەرسيتەتتەگى عا­­­لامتور جەلىسىندەگى عىلىمي جا­ريالانىمدار, ءار جوو عالىم­دا­رىنىڭ زەرتتەۋ ەڭبەكتەرى, ولار­عا جاسالعان سىلتەمە ەسكەرىلەدى. ۋني­ۆەرسيتەتتىڭ عىلىمي ءجا­نە عى­لىمي-زەرتتەۋ جۇمىستار­ى­نىڭ ناتيجەسى جىلىنا ەكى مارتە قاڭ­تار جانە شىلدە ايلارىندا جا­ريا­لانىپ تۇرادى. ماسەلەن, 2010 جىلدىڭ شىلدەسىندە وتكىزىلگەن رەيتينگ قورى­تىن­دىسى بويىنشا ل.ن.گۋميلەۆ ات­ىن­داعى ەۇۋ 7891-ءشى ورىندا بولسا, تۋرا جارتى جىل وتكەن كەزدە, ياعني 2011 جىلدىڭ قاڭتارىندا 5 216-شى پوزيتسياعا يە بولعان بولاتىن. سونىمەن ل.ن.گۋميلەۆ اتىن­داعى ەۇۋ قازاقستانداعى ءبىلىم بەرۋ سالاسىنداعى كوشباسشى ەكە­نىن تاعى ءبىر مارتە دالەلدەدى. QS World University Rankings رەي­تينگىنىڭ مالىمەتىنە ساي ءال­ەمدەگى ەڭ ۇزدىك 500 ۋنيۆەرسيتەت قاتا­رى­نان كورىنىپ قانا قويماي, الەمنىڭ 20 مىڭ جوو اراسىندا وتكەن رەيتينگتە 12 مىڭ پوزيتسيا بويىنشا 4082-ءشى ورىنعا يە بولىپ, رەيتينگ قورىتىندىسى جاڭالان­عان سايىن جوعارى ساتىعا كو­تە­رىلىپ كەلەدى. بۇل – الەمدىك عى­لى­مي قاۋىمداس­تىق بەرگەن جوعارى باعا, ل.ن. گۋميلەۆ اتىنداعى ەۇۋ عالىمدارى ەڭبەگىنىڭ جەمىسى, وقىتۋشىلار مەن ستۋدەنتتەر توككەن تەردىڭ ەلەنگەنى. «ەگەمەن-اقپارات».