«وركەن» گرانتتارى – دارىندى بالالارعا

ءبىلىم جانە عىلىم ءمينيسترى با­قىتجان جۇماعۇلوۆتىڭ ءتور­اعا­لى­عى­مەن قازاقستان رەسپۋب­ليكاسى تۇنعىش پرەزيدەنتى «ءور­كەن» ءبىلىم گرانتىن تاعايىن­داۋ جونىندەگى رەسپۋبليكالىق كوميس­سيا­نىڭ وتى­رى­سى بولىپ ءوتتى. رەسپۋبليكالىق كوميسسيا ءۇس­تى­مىز­دەگى جىلدىڭ ماۋسىم ايى­نىڭ ورتا­سىندا وتكەن بايقاۋدىڭ قورى­تىن­دى­سىن شىعاردى. سونىمەن بىرگە جيىندا وقۋ­شى­لاردى 7 سى­نىپقا ىرىكتەۋ باي­قا­ۋى­­نىڭ قورى­تىندىسى بو­يىن­شا تا­لاپ­كەر­لەر­­دىڭ رەزەرۆتىك ءتىزىمى بەكىتىلدى جانە وقۋشىلاردى 8-10 سىنىپتارداعى ۆا­كانت­­تىق ورىندارعا ىرىكتەۋ ءۇشىن قو­سىمشا بايقاۋ وتكىزۋ شەشىمى قابىل­داندى. باسقوسۋدا مينيستر مەملەكەت باسشىسىنىڭ تالاپكەرلەردى ءمول­دىر­ ءارى ساپالى ىرىكتەۋگە ايرىق­شا ءمان بەرىلۋىن تاپسىرعانىن اتاپ ءوتىپ, نازارباەۆ زياتكەرلىك مەكتەپتەرىندە قالىپتاسقان جاڭا ستاندارتتار مەن وقىتۋ  ءادىس­تەمە­لەرى ۋاقىت وتە بۇكىل ءبىلىم بەرۋ جۇيەسىنە ەنگىزىلەتىنىن ايتتى. تاعى ءبىر ايتا كەتەتىن جايت, كون­كۋرس­تىق ىرىكتەۋگە 2583 وقۋشى قاتىس­قان بولسا, كوميسسيا مۇشە­لەرى­نىڭ قا­راۋىنا ءبىلىم بەرۋ گران­تىن تاعايىنداۋ ءۇشىن 945 ءۇمىت­كەر­دىڭ ماتەريالدارى ۇسىنىلعان ەكەن. سوعان وراي, رەسپۋب­لي­كالىق كوميسسيانىڭ شەشىمى بويىن­شا 833 ۇمىتكەرگە گرانت تاعايىندا­لىپ, 112 وقۋشى بيىلعى جىلى تۇڭعىش رەت قۇرىلىپ وتىرعان رەزەرۆتى تىزىمگە ەنگىزىلدى. ۆاكانتتىق ورىن پايدا بولعان جاعدايدا رەزەرۆتى تىزىمدەگى وقۋشىلار وقۋ جىلىنىڭ ىشىندە قوسىمشا كون­كۋرستىق ىرىكتەۋگە قاتىسپاستان نازارباەۆ زياتكەرلىك مەكتەبىنە وقۋعا شاقىرىلادى. نازارباەۆ زياتكەرلىك مەكتەبىنە تالدىقورعان, سەمەي جانە استانا  قا­لا­لارىندا فيزيكا-ما­تە­­ما­تي­كالىق با­عىتتاعى كون­كۋرس­تىق ىرىكتەۋ ەكى كەزەڭدە ءوت­كىزىلدى. بيىل كوكشەتاۋ, تالدى­قورعان, وسكە­مەن, سەمەي قالالا­رىن­دا العاشقى رەت ىرىكتەۋدىڭ ءبىرىنشى كەزەڭى كومپيۋتەرلىك تەستىلەۋ تۇرىندە ءوتتى. كومپيۋتەرلىك تەستىلەۋ كون­كۋرس­تىق  ىرىكتەۋدىڭ ءتيىمدى, ال ەم­تيحاننىڭ اشىق جانە وبەك­تيۆتى وتۋىنە جاعداي تۋعىزدى. كون­كۋرس­تىڭ ەكىنشى كەزەڭىنە ءوتۋ ءۇشىن جو­عارى بال­دىڭ 40 پايىزىن الۋ كەرەك بولدى. ەكىنشى كەزەڭدە تالاپكەرلەر مەك­تەپتىڭ فيزيكا-ماتەماتي­كا­لىق نەمەسە  حيميا-بيولوگيالىق باعىت­تاعى باقىلاۋ جۇمىستارىن ورىندادى. باقىلاۋ جۇمىستارى ەڭ جوعارعى 30 بالمەن باعا­لان­دى, پوروگتىك بالل 30%-دى قۇرادى, ياعني 9 بالل بولدى. 2009 جىلدان باستاپ قازاق­ستان­­نىڭ ءارتۇرلى ايماقتارىنان 11 000 بالا تەستىلەۋدەن ءوتتى . ونىڭ ىشىنەن نازارباەۆ زياتكەرلىك مەكتەپتەرىندە 3 638 بالا وقيدى. «ەگەمەن-اقپارات».