وبلىس ورتالىعى قوناەۆ قالاسىندا بىرنەشە جىلدان بەرى شەشىمىن تاپپاعان كۇردەلى ماسەلەگە نۇكتە قويىلار ۋاقىت تاياۋ. ءجۇز پايىز توزىعى جەتكەن كارىز-تازارتۋ جۇيەسىنەن قولقانى قاباتىن جاعىمسىز ءيىس شىعاتىنى تۋرالى تۇرعىندار تاراپىنان ءجيى شاعىم تۇسەتىن, دەپ جازادى Egemen.kz.
ەسكىرگەن نىسان قالادان نەبارى 3-4 شاقىرىم جەردە ورنالاسقان. ال جاڭا كارىز-تازارتۋ جۇيەسى قوناەۆتان 15 شاقىرىم جەردە بوي كوتەرەدى.
قوناەۆتاعى جەلكەندى سپورت وقۋ-جاتتىعۋ ورتالىعى قالا مەنشىگىنە ءوتتى
قۇرىلىسقا تاپسىرىس بەرۋشى – الماتى وبلىسىنىڭ ەنەرگەتيكا جانە سۋمەن جابدىقتاۋ باسقارماسى. جوبا مەملەكەتتىك-جەكە مەنشىك سەرىكتەستىك اياسىندا جۇزەگە اسپاق. ارىپتەس كومپانيا – «Daur Capital» جشس. نىساننىڭ قۇرىلىسى 20 اي ىشىندە اياقتالادى دەپ جوسپارلانىپ وتىر. وعان 33 ملرد تەڭگەدەن استام قارجى جۇمسالماق.
جاڭا نىساننىڭ قۋاتتىلىعى تاۋلىگىنە 25 تەكشە مەتردەن استام سۋدى سۇزگىدەن وتكىزۋگە مۇمكىندىك بەرەدى. كارىز-تازارتۋ جۇيەسى 215 گەكتار اۋماقتا سالىنادى. قازىرگى تاڭدا جەر جۇمىستارىن باستاۋعا دايىندىق ءجۇرىپ جاتىر. نەگىزگى تەحنولوگيالىق جابدىقتار, قۇبىرلار جانە جيناقتاۋشى توعاندارعا ارنالعان گيدرووقشاۋلاعىش ماتەريالدار ساتىپ الىندى.
توزىعى جەتكەن كارىز-تازارتۋ جۇيەسى جاڭاسى ىسكە قوسىلعاننان كەيىن رەكۋلتيۆاتسيالانادى.
قوناەۆ قالاسى قارقىندى دامىپ كەلەدى