ۇزدىك بەستىكتىڭ قاتارىندامىز
وسىدان جارتى جىل بۇرىن اكادەميك ماناش قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە (سقمۋ)بىرقاتار ستۋدەنتتەر قاجەتتى بالل جيناي الماۋ سەبەپتى 5 ماماندىق بويىنشا اتتەستاتسيالاۋدان وتپەدى دەپ تانىلعان بولاتىن. ونىڭ سوڭى ءتۇرلى اڭگىمەلەر تۋدىرىپ, كەي فاكۋلتەتتەر جابىلادى, باسقا جوو-لارعا كوشىرىلەدى دەگەن قاۋەسەتتەرگە ۇلاسقان-دى.
«ەگەمەن قازاقستاننىڭ» سولتۇستىك قازاقستان وبلىسىنداعى ءتىلشىسى ءومىر ەسقالي اتالعان جوعارى وقۋ ورنىنىڭ رەكتورى, اكادەميك وڭداسىن اشىموۆكە:
– ءسىز بۇعان نە دەيسىز؟
– ءيا, بىلتىر كۇزدە ءبىلىم جانە عىلىم مينيسترلىگىنىڭ ارنايى وكىلدەرى بولىپ, اتتەستاتسيا وتكىزگەن بولاتىن. سىناقتى 45 ماماندىقتىڭ 40-ى ءساتتى تاپسىرىپ, تۇتاستاي العاندا, ستۋدەنتتەرىمىز جوعارى ءبىلىم دەڭگەيىن كورسەتە ءبىلدى. ال, ەسەپ جانە اۋديت, مەملەكەتتىك جانە جەرگىلىكتى باسقارۋ, پەداگوگيكا جانە باستاۋىش سىنىپتاردى وقىتۋ ادىستەمەسى, قازاق ءتىلى مەن ادەبيەتى جانە پسيحولوگيا ماماندىقتارى بويىنشا اتتەستاتسيا جارامسىز دەپ ەسەپتەلدى. وسى مەرزىم ىشىندە سىن-ەسكەرتپەلەردەن ورىندى قورىتىندى شىعارىلىپ, كەلەسى سىناققا ساقاداي-ساي دايىندالدىق. زەرتحانالار مەملەكەتتىك ستاندارتقا سايكەستەندىرىلىپ, بازاسى نىعايتىلىپ, عىلىم مەن ءوندىرىستىڭ بايلانىسىنا باسا نازار اۋدارىلدى. جۋىردا وتكەن اتتەستاتسيادان 359 ستۋدەنتتىڭ بىردە-بىرەۋى ءسۇرىنگەن جوق. ورتاشا ۇپاي 95-تەن اينالدى. ۋنيۆەرسيتەت بويىنشا – 86,5 بالل. بۇل – جامان كورسەتكىش ەمەس. مينيسترلىكتىڭ بۇيرىعىمەن 5 جىلدىق مەرزىمگە اتتەستاتسيالاۋدان ءوتىپ وتىرمىز.
بۇدان سقمۋ-دە ستۋدەنتتەردىڭ ۇلگەرىمى ناشار, ءبىلىم ساپاسى تومەن دەگەن ۇعىم تۋماسا كەرەك. جىل سايىن جوو-لاردىڭ رەيتينگى جاريالانىپ وتىرادى. ول بويىنشا ەلىمىزدەگى ەڭ ىرگەلى بەس جوعارى وقۋ ورنىنىڭ قۇرامىنا كىرەمىز. بىلتىر وقۋ گرانتىن ەڭ كوپ يەلەنگەندەردىڭ قاتارىنان كورىندىك.
قازىر بىزدە 11 مىڭعا جۋىق ستۋدەنت كۇندىزگى جانە سىرتتاي بولىمدەردە ءوز بىلىمدەرىن جالعاستىرۋدا.
سولتۇستىك قازاقستان وبلىسى.