− ءبىزدىڭ قورلاردىڭ قىزمەتى نەگىزىنەن ءبىر-بىرىنە ۇقساس كەلەدى. مىسالى, سىزدەردىڭ قور ءبىلىم بەرۋ, مادەنيەت, عىلىم جانە الەۋمەتتىك سالالارداعى قوعامدىق ماڭىزى بار جوبالاردى جۇزەگە اسىرۋعا بەلسەندى قاتىسادى. بىزدە دە سولاي. وسى ىنتىماقتاستىقتىڭ ارقاسىندا بىزدەر مادەنيەت پەن عىلىم سالالارىنا قاتىستى جوبالاردى ىسكە اسىرۋدا تابىسقا جەتەتىنىمىزگە سەنىمدىمىن. ونىڭ ءىشىندە تالانتتى جاستار مەن جاس عالىمدارعا قولداۋ كورسەتۋ دە بار, − دەدى قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورىنىڭ اتقارۋشى ديرەكتورى قانات جۇماباەۆ.
مەموراندۋمعا قول قويۋ راسىمىنە قازاقستاننىڭ ازەربايجانداعى ەلشىسى بەيبىت يساباەۆ تا قاتىستى. ول سوزىندە ەكى قور اراسىنداعى ىنتىماقتاستىق ماڭىزدىلىعىمەن ەرەكشەلەنەتىنىن اتاپ ءوتتى. قول قويۋ ءراسىمىنەن كەيىن وتكەن كەزدەسۋدە ەكى قور اراسىنداعى بايلانىستى كەڭەيتۋ مۇمكىندىگى تالقىلاندى. سونىمەن قاتار, تاراپتار ء بىرلەسكەن جوبالاردى جۇزەگە اسىرۋ قازاقستان مەن ازەربايجان حالىقتارىنىڭ قارىم-قاتىناسىن نىعايتۋعا قىزمەت ەتەتىنىنە نازار اۋداردى.