قانجىعالى قارت بوگەنباي اتانعان باتىردىڭ ەسىمى بۇگىنگى كۇنى دە داڭق بيىگىندە. باتىرعا قاتىستى كەز كەلگەن مالىمەت پەن دەرەكتەرگە قىزىعۋشىلىق تانىتىلادى. كۇنى كەشە عانا «اق جول» پارتياسىنىڭ كەڭسەسىندە ۇيىمداستىرىلعان شارا سونىڭ ايعاعى.
قورعانىس مينيسترلىگى قارۋلى كۇشتەردىڭ 25 جىلدىعىنا وراي اتى اڭىزعا اينالعان باتىر بابانىڭ ايبالتاسى قازاقستان قارۋلى كۇشتەرىنىڭ اسكەري-تاريحي مۇراجايىنا تاپسىرىلدى. ءماجىلىس دەپۋتاتتارى, قورعانىس مينيسترلىگى مەن باق وكىلدەرى قاتىسقان شارادا «اق جول» پارتياسىنىڭ توراعاسى ازات پەرۋاشەۆ ايبالتانىڭ تاريحىنا توقتالدى. ونىڭ ايتۋىنشا, ۇرپاقتارى ءۇش عاسىردان بەرى ساقتاپ كەلە جاتقان باتىردىڭ ايبالتاسى كەڭەس وكىمەتى كەزىندە-اق بەلگىلى بولعان. «اق جول» پارتياسى قورعانىس مينيسترلىگىنىڭ ۇسىنىسىمەن باتىردىڭ تىكەلەي ۇرپاقتارىمەن كەلىسىم جاساسىپ, ايبالتانى كورمەگە قويۋعا الىپ كەلگەن. «ايبالتا باتىردىڭ تىكەلەي ۇرپاعىنىڭ زايىبى فاتيما جۇماعازىقىزىنىڭ قولىنان كەپىلدىك حات ارقىلى الىندى. كورمە جۇمىسى اياقتالعان سوڭ زاڭدى يەلەرىنە قايتارىلادى. ايبالتا اق بولاتتان جاسالعان. كۇمىسپەن زەرلەنگەن», دەگەن پارتيا توراعاسى ايبالتانى قارۋلى كۇشتەر اسكەري-تاريحي مۋزەيى قىزمەتكەرىنىڭ قولىنا تاپسىردى.
ايگۇل سەيىلوۆا,
«ەگەمەن قازاقستان»