اۆتوبۋستارعا ارنالعان جولاقتار مىنا ۋچاسكەلەردە پايدا بولادى:
1) رەسپۋبليكا داڭعىلىندا «سامال» شاعىن اۋدانى ايالداماسىنان بوگەنباي باتىر داڭعىلىنا دەيىن;
2) تاشەنوۆ كوشەسىندە باراەۆ كوشەسىنەن تاۋەلسىزدىك داڭعىلىنا دەيىن;
3) احمەت بايتۇرسىن ۇلى كوشەسىندە قوشكارباەۆ داڭعىلىنان سارىكول كوشەسىنە دەيىن;
- احمەت بايتۇرسىن ۇلى كوشەسىندە سارىكول كوشەسىنەن جاڭا تەمىرجول ۆوكزالىنا دەيىن;
4) جۇمەكەن ناجىمەدەنوۆ كوشەسىندە ش. قالداياكوۆ كوشەسىنەن سارىكول كوشەسىنە دەيىن;
- جۇمەكەن ناجىمەدەنوۆ كوشەسىندە سارىكول كوشەسىنەن جاڭا تەمىرجول ۆوكزالىنا دەيىن;
5) سارايشىق كوشەسىندە جولايىرىقتان قابانباي باتىر داڭعىلىنا دەيىن;
6) تاۋەلسىزدىك داڭعىلىندا پۋشكين كوشەسىنەن مومىش ۇلى داڭعىلىنا دەيىن;
7) سارىارقا داڭعىلىندا بوگەنباي باتىر داڭعىلىنان كوپىرگە دەيىن;
8) تۇران داڭعىلىندا كوپىردەن سىعاناق كوشەسىنە دەيىن;
9) قابانباي باتىر داڭعىلىندا سىعاناق كوشەسىنەن اينالما جولايىرىعىنا دەيىن;
10) بەيبىتشىلىك كوشەسىندە ەسەنبەرلين كوشەسىنەن بوگەنباي باتىر داڭعىلىنا دەيىن;
11) ماعجان جۇماباەۆ داڭعىلىندا قاجىمۇكان كوشەسىنەن قوشكارباەۆ داڭعىلىنا دەيىن;
12) ورىنبور كوشەسىندە ش. ايتماتوۆ كوشەسىنەن تۇران داڭعىلىنا دەيىن.
استانا ۋچاسكەلەرىندەگى قوعامدىق كولىككە بولىنگەن جولاقتاردىڭ جالپى قاشىقتىعى 40,6 شاقىرىمدى قۇرايدى.
مامانداردىڭ تۇجىرىمىنا سايكەس, بۇل جوبا قوعامدىق كولىكتەردىڭ ءجۇرىس كەستەسىن رەتتەۋگە, كەستە بويىنشا بۇزۋشىلىقتار سانىن تومەندەتۋگە, اۆتوبۋس جۇرگىزۋشىلەرىنىڭ ءتارتىبىن جاقسارتۋعا, ءجۇرىس قاۋىپسىزدىگىن ارتتىرۋعا مۇمكىندىك بەرەدى.
ايتا كەتەيىك, بۇعان دەيىن Bus lane جوباسىنىڭ 3 كەزەڭى ىسكە اسىرىلدى. سونىڭ ارقاسىندا قوعامدىق كولىكتىڭ ورتاشا جىلدامدىعى 12-15 %-عا ارتتى.