«ءبىز, ينۆەستيتسيالىق ساياساتتى وزگەرتۋدىڭ قاجەتتىلىگىن جاقسى تۇسىنەمىز. سول سەبەپتى سالاداعى جۇمىستىڭ ايماقتاردا تۇرالاپ قالعانىن قالامايمىز. سوندىقتان, وبلىس اكىمدەرىنىڭ ينۆەستيتسيالار جونىندەگى ورىنباسارلارىمەن قوسىمشا كەڭەستەر وتكىزدىك. كەيبىر باسشىلاردىڭ وسى سالادا جۇمىس ىستەۋگە ءالى دە دايىن ەمەس ەكەنىن بايقادىق. ءتىلدى ءتيىستى دەڭگەيدە بىلمەيتىندەرى دە كوپ نارسەنى اڭعارتادى. ءيا, ولاردىڭ باسقا جۇمىستارى دا جەتىپ-ارتىلاتىنىن بىلەمىز. وسىعان بايلانىستى ءبىز پرەزيدەنت اكىمشىلىگىنە ءتيىستى xات ازىرلەۋدەمىز. ينۆەستيتسيا تارتۋ جۇمىسىن رەتكە كەلتىرۋ كەرەك», دەدى ب.ساعىنتاەۆ. ونىڭ ايتۋىنشا, شەت ەل ينۆەستيتسيالارىن تارتۋدىڭ بۇرىنعى جۇيەسى تولىعىمەن وزگەرتىلدى. وسى سالادا ارنايى «Kazakh Invest» ۇلتتىق كومپانياسى قۇرىلدى. ال كومپانيانىڭ ديرەكتورلار كەڭەسى ۇكىمەت باسشىسى دەڭگەيىنە دەيىن كوتەرىلدى. سونىڭ ءوزى ينۆەستيتسيالىق ساياساتتىڭ باسىمدىعىن, قازاقستان ءۇشىن قانشالىقتى ماڭىزدى ەكەنىن كورسەتسە كەرەك.
پرەمەر-مينيستر جاقىندا اقش-تا وتكەن «شەۆروننىڭ» باسشىسى ۋوتسون مىرزامەن كەزدەسۋىنە توقتالدى. «ول سوڭعى جيىرما بەس جىل ىشىندە قازاقستان قالاي وسسە, «شەۆرون» دا سولاي دامىعانىن ايتتى. الداعى ۋاقىتتا كومپانيا ءوز وندىرىستەرىن كەڭەيتۋ اياسىندا 39 ملرد دوللار كولەمىندە ينۆەستيتسيا سالۋدى جوسپارلاپ وتىر. بۇل – الەم بويىنشا مۇناي-گاز سالاسىنداعى ەڭ ءىرى ينۆەستيتسيا», دەدى ۇكىمەت باسشىسى.
باسقوسۋدا بايانداما جاساعان ينۆەستيتسيالار جانە دامۋ ءمينيسترى جەڭىس قاسىمبەك سوڭعى بەس جىلدا تۇبەگەيلى وزگەرگەن ەلىمىزدەگى ينۆەستيتسيالار سالاسىنداعى زاڭناما حالىقارالىق تالاپتارعا ساي كەلەتىندىگىن تىلگە تيەك ەتتى. ينۆەستورلار ءۇشىن ۆيزالىق جەڭىلدىك قانا ەمەس, سالىق, كەدەن مەن رۇقسات بەرۋ بويىنشا ىڭعايلى جاعدايلار جاسالعان. «وسىنىڭ ارقاسىندا قازاقستان دۇنيەجۇزىلىك بانكتىڭ «Doing ۆusiness» رەيتينگىندە 41-ورىننان 35-ورىنعا كوتەرىلدى. ال وتكەن جىلدىڭ قورىتىندىسىندا ەلىمىزگە تارتىلعان شەتەلدىك ينۆەستيتسيالاردىڭ جالپى كولەمى 20,6 ملرد دوللارعا دەيىن وسكەن. بۇل 2015 جىلمەن سالىستىرعاندا 40 پايىزعا ارتىق. ول اقشانىڭ باسىم بولىگى تاۋ-كەن, وڭدەۋ كاسىبى, ەلەكتر ەنەرگياسىمەن قامتاماسىز ەتۋ مەن اقپاراتتىق تەحنولوگيالارعا سالىنادى», دەيدى ج.قاسىمبەك. ءمينيستردىڭ مالىمەتىنشە, قازاقستان ەكونوميكاسىنا ينۆەستيتسيا سالۋ جاعىنان نيدەرلاند كوش باستاپ تۇر. ودان كەيىن اقش, شۆەيتساريا, فرانتسيا, قىتاي مەن ۇلىبريتانيا كەلەدى.
مينيستر شەت ەل ينۆەستيتسيالارىن تارتىپ قانا قويماي, ونى ۇستاپ قالۋ قاجەتتىگىنە دە توقتادى. رەينۆەستيتسيالار ءۇشىن بارلىق جاعدايلاردى جاساۋ ماڭىزدى. سول ءۇشىن بيىل ماۋسىم ايىنىڭ اياعىنا دەيىن دۇنيەجۇزىلىك بانكپەن بىرلەسىپ, ينۆەستيتسيالاردى تارتۋدىڭ ۇلتتىق ستراتەگيا ازىرلەنبەك. ستراتەگيا ينۆەستيتسيانى قايدان, قالاي جانە قاي سالاعا تارتۋ قاجەت ەكەنىن ايقىندايدى. ونىڭ ايتۋىنشا, – «Kazakh Invest» ۇلتتىق كومپانياسىنىڭ بۇگىندە شەت ەلدە جانە جەرگىلىكتى جەرلەردە ارنايى بولىمشەلەرى جۇمىس ىستەيدى. كومپانيا ۇكىمەتتىڭ اتىنان بارلىق كەلىسسوزدەردى جۇرگىزەتىن بولادى. ال كومپانيانىڭ وڭىرلەردەگى وكىلدەرى وبلىس اكىمدەرىنىڭ كەڭەسشىسى قىزمەتىن قوسا اتقارادى.
جيىن بارىسىندا دۇنيەجۇزىلىك بانكتىڭ ينۆەستيتسيالىق احۋال ماسەلەلەرى بويىنشا كەڭسە باسشىسى يۆان نيماك تابىس ىزدەگەن ينۆەستورلاردىڭ قازاقستانعا نازار اۋدارعانى ءجون ەكەنىن ايتتى. «Kazakh Invest» ۇلتتىق كومپانياسى» اق باسقارما توراعاسى ماقسات قاباشەۆ كومپانيا ينۆەستورلارىنىڭ مەملەكەتتiك ورگاندارمەن ءوزارا قاتىناسى, مiندەتi مەن ماقساتى تۋرالى اڭگىمەلەدى.
اسحات رايقۇل,
«ەگەمەن قازاقستان»