ماقالادا ەلباسى ەڭ باستى ماقسات «الەمدەگى ەڭ دامىعان 30 ەلدىڭ قاتارىنا قوسىلۋ ءۇشىن ءبىزدىڭ سانامىز ءىسىمىزدەن وزىپ ءجۇرۋى, ياعني ودان بۇرىن جاڭعىرىپ وتىرۋى ءتيىس» ەكەندىگىن اتاپ ءوتىپ, ءار قازاقستاندىقتى ءوز سالاسى بويىنشا ناقتى جۇمىس جاساۋعا شاقىرادى.
«بولاشاقتا ۇلتتىڭ تابىستى بولۋى ونىڭ تابيعي بايلىعىمەن ەمەس, ادامدارىنىڭ باسەكەلىككە قابىلەتىمەن ايقىندالادى. سوندىقتان, ءاربىر قازاقستاندىق, سول ارقىلى تۇتاس ۇلت ءححى عاسىرعا لايىقتى قاسيەتتەرگە يە بولۋى كەرەك» دەگەن پرەزيدەنت, ءبىز ءومىر ءسۇرىپ جاتقان زاماندا كومپيۋتەرلىك ساۋاتتىلىقتىڭ, كوپ ءتىل ءبىلۋدىڭ ماڭىزدىلىعىنا توقتالادى. ەڭ باستىسى, رۋحاني جاڭعىرۋ ءۇشىن «ۇلتتىق سالت-
داستۇرلەرىمىز, ءتىلىمىز بەن مۋزىكامىز, ادەبيەتىمىز, جورالعىلارىمىز, ءبىر سوزبەن ايتقاندا ۇلتتىق رۋحىمىز بو-
يىمىزدا ماڭگى قالۋعا ءتيىس», دەيدى نۇرسۇلتان نازارباەۆ.
ماقالادا سونداي-اق باستى ماقساتقا جەتۋ ءۇشىن قازاقستانعا ءبىلىمدى ۇرپاق قاجەتتىگىن, ەلىمىزدە «ءبىلىم ءاردايىم ءبىرىنشى ورىندا تۇرۋى شارت», «ءوزىمدىكى عانا تاڭسىق, وزگەنىكى – قاڭسىق» دەپ كەرى تارتپاي, اشىق بولۋ, باسقالاردىڭ ەڭ وزىق جەتىستىكتەرىن قابىلداي ءبىلۋ, بۇل – تابىستىڭ كىلتى, ءارى اشىق زەردەنىڭ باستى كورسەتكىشتەرىنىڭ ءبىرى» ەكەندىگىن ايتادى پرەزيدەنت. ەلباسى رۋحاني جاڭعىرۋدى ءجۇزەگە اسىرۋعا جول اشاتىن ءبىرنەشە جوبانى ۇسىنادى. ونىڭ ىشىندە قازاق ءتىلىن ءبىرتىندەپ لاتىن الىپبيىنە كوشىرۋ, «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق», «تۋعان جەر», «قازاقستاننىڭ قاسيەتتى رۋحاني قۇندىلىقتارى», ءمادەني قازىنالاردى الەم
جۇرتشىلىعىنا تانىستىرۋدىڭ مۇلدەم جاڭا تاسىلدەرىن ويلاستىرۋ ءماسەلەلەرى بار.
رۋسلان توكتاحۋنوۆ,
ق.قوجامياروۆ اتىنداعى رەسپۋبليكالىق مەملەكەتتىك اكادەميالىق ۇيعىر مۋزىكالىق كومەديا تەاترىنىڭ ديرەكتورى