الدىمەن س.مۇقانوۆ اتىنداعى عىلىمي-امبەبەپ كىتاپحانادا شۆەد اقىنى گۋننار ەكەلەفتىڭ «مەلنسكايا ەلەگيا» اتتى ولەڭدەر جيناعىنىڭ تۇساۋكەسەرى ءوتتى. ونى ەلشىنىڭ ايەلى نادەجدا ۆولنوۆا ورىس تىلىنە ءتارجىمالاپ, وقىرمان قاۋىمعا ۇسىنىپتى. ەلشى مادەني وشاققا ءحVىىى عاسىردا جارىق كورگەن جادىگەرلەردى سىيعا تارتتى.
كوركەمونەر مۇراجايىندا بەلگىلى سۋرەتشىنىڭ قۇرمەتىنە ۇيىمداستىرىلعان ەكسپوزيتسيا «تۇزەلمەيتىن قاتەلىك: العاشقى جارىلىس» دەپ اتالادى. اكۆارەل بوياۋلارىمەن جانە قارا سيامەن سالىنعان تۋىندىلار اباي جەرىندە اتوم بومباسىنان زارداپ شەككەن بەيبىت تۇرعىنداردىڭ اۋىر ءحالى مەن تىرشىلىگى جايلى باياندايدى. تۋبە كرابو اجال وشاعىنا اينالعان سىناق الاڭى تۋرالى جان-جاقتى ماعلۇمات جيناعاننان كەيىن قازاقستانعا ساپارلاعان.تەحنوگەندىك ءزىلزالا ورىن العان جەرلەر ونىڭ قيالىنا قانات ءبىتىرىپ, عاجايىپ دۇنيەلەر تۋعان. «شاعان كولى» دەپ اتالاتىن كارتينا تابيعاتتىڭ مامىراجاي تىنىشتىعىن كوزگە ەلەستەتكەنمەن, استارىندا يادرولىق جارىلىستاردىڭ سۇمدىق سالدارى جاتقانىن اڭعارۋ قيىن ەمەس.
– كورمەدەگى سۋرەتتەردىڭ قاي-قايسىسى بولسىن قازاقستانعا ءتىكەلەي قاتىسى بار. بىلتىر سەمەي پوليگونى جابىلۋىنىڭ 25 جىلدىعىنا وراي وسىنداي يگى شارالار استانا مەن سەمەيدە ۇيىمداستىرىلىپ, ەكىجاقتى ىنتىماقتاستىقتىڭ ارقاسىندا قىزىلجار جەرىندە جولىمىز ءتۇيىستى, – دەي كەلىپ, ەلشى قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس ءمۇشەسى بولعانىن ەرەكشە اتاپ كورسەتتى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى