ءدال وسى اۋە بازاسىنان سەيسەنبى كۇنى تاڭەرتەڭ سيريا اۆياتسياسى يدليب پروۆينتسياسىنداعى حان-شەيحۋن قالاسىنا جورامال بويىنشا حيميالىق قارۋ قولدانا وتىرىپ سوققى جاساعان بولاتىن دەيدى باسىلىم. سونىڭ سالدارىنان ونداعان بەيبىت تۇرعىن قازا بولدى.
تاعى ءبىر امەريكان شەنەۋنىگىنىڭ ايتۋىنشا, راكەتالىق شابۋىل كەزىندە سيريا اسكەري اۋە بازاسىنداعى ۇشۋ-قونۋ جولى, ۇشاقتار مەن تىكۇشاقتار جانە جانارماي قۇيۋ ستانسالارى نىساناعا الىنعان. ول سيرياداعى رەسەي اسكەري وبەكتىلەرى كوزدەلمەگەنىن ايتتى.
سNN-ءنىڭ حابارلاۋىنشا, اقش بىرنەشە ەلگە اسكەري وپەراتسيا تۋرالى حابار بەرگەن, بىراق ولاردىڭ ىشىندە رەسەي بولماعان. Time جۋرنالىنىڭ اق ۇيدەگى ءتىلشىسى بەرگەن مالىمەتكە سايكەس, وپەراتسيا الدىندا دونالد ترامپ ۆلاديمير پۋتينگە تەلەفون شالماعان.
ال پەنتاگون وكىلى نىساناعا الىنعان اسكەري بازادا رەسەيلىكتەر بولعانىن, بىراق اقش ولارعا جاسالعالى وتىرعان شابۋىل تۋرالى تۋرالى ەسكەرتكەنىن مالىمدەدى.
اسكەري وپەراتسيا تۋرالى اقپارات جاريا بولا سالىسىمەن, اقش پرەزيدەنتى ارنايى مالىمدەمە جاسادى. «بۇگىن مەن بارلىق وركەنيەتتى ەلدەردى سيرياداعى قاندى قىرعىندى توقتاتۋ جولىن تابۋعا شاقىرامىن. حيميالىق قارۋدى تاراتۋ جانە قولدانۋدىڭ الدىن الۋ اقش ۇلتتىق قاۋىپسىزدىگى ءۇشىن ومىرلىك ماڭىزدى ماسەلە. بۇگىندە كۇمانسىز فاكت بار: سيريا تىيىم سالىنعان حيميالىق قارۋدى قولداندى, وسىلايشا حيميالىق قارۋ جونىندەگى كونۆەنتسياعى مىندەتتەمەلەرىن بۇزدى جانە بۇۇ قاۋىپسىزدىك كەڭەسىنىڭ تالاپتارىن ورىندامادى» دەدى دونالد ترامپ.
مۇنىڭ الدىندا اقش پرەزيدەنتى سيريادا بەيبىت تۇرعىندارعا حيميالىق قارۋدان شابۋىل جاسالىپ جاتقانىن سىرتتان باقىلاپ قانا وتىرا المايتىنىن مالىمدەگەن بولاتىن.
دايىنداعان ە.ءابدىرامان