ءبىرتۇتاس كوممۋنيكاتسيالىق ترانسەۋرازيالىق جۇيە رەتىندە ۇلكەن ماڭىزعا يە بولعان ۇلى جىبەك جولى قازىر دە ءتۇرلى مەملەكەتتەر, ونىڭ ىشىندە قازاقستان مەن قىتاي ەلدەرى اراسىنداعى قازىرگى زامانعى ءمادەني جانە ەكونوميكالىق بايلانىستاردىڭ دامۋىندا دا ءۇلكەن ءرول اتقارىپ وتىر.
«جاڭا بەينە», «بىرلەسكەن قۇرىلىس جانە پايدالانىلۋى», «بىرلەسىپ ءومىر ءسۇرۋ مەن ورتاق-
تاسا وركەندەۋ» اتتى 3 ءبولىمنەن تۇراتىن كورمەگە ۇلى ءجىبەك جولىنىڭ تاريحى عانا ەمەس, سونىمەن بىرگە ساياسات, ەكونوميكا, قۇرىلىس, بيزنەس, ءبىلىم بەرۋ, مادەنيەت, تۋريزم جانە سپورت سالالارى بويىنشا قازاقستان-قىتاي قارىم-قاتىناستارىنىڭ جەتىستىكتەرى بەينەلەنگەن 70-تەن استام فوتوجۇمىس قويىلعان. فوتوسۋرەتشىلەر جۇمىسىندا سونداي-اق, قىتايداعى ساۋلەت ەسكەرتكىشتەرى, كوركەم تابيعي ورىندارى, كورىكتى جەرلەرى كورىنىس تاۋىپتى.
كورمەنىڭ ءبىرىنشى ءبولىمى حالىقتارعا ءوز تاريحي-مادەني مۇراسىن ساقتاۋعا, بەيبىتشىلىك, كەلىسىم, دوستىق, جاريالىلىق پەن توزىمدىلىكتى ساقتاي وتىرىپ, ءومىر سۇرۋگە مۇمكىندىك بەرگەن كەزەڭنەن, ياعني ۇلى جىبەك جولىنىڭ ەكى مىڭ جىلدىق تاريحىن قامتىعان 26 فوتوسۋرەتتەن تۇرادى. فوتوسۋرەتتەر اراسىندا: «Jiayu – ۇلى كوش», «بۋددا ۇڭگىرىندەگى كۇن ءساۋلەسى», «Yongtai كونە قالاسى», «تۇنگى قايىقتار سايىسى», «تيبەتتىك جاڭا جىل», «تۇيەشى», «كونە اۋىلداعى قاعاز ءوندىرۋ», «ءجۇردەك پويىزدار ءداۋىرى», «اسپالى كوپىر» سياقتى كوپتەگەن جۇمىستاردى تاماشالاۋعا بولادى.
كورمەنىڭ 25 فوتوسۋرەت قويىلعان ەكىنشى ءبولىمى ەكونوميكا جانە زاۋىتتار مەن قايتا ءوڭدەۋ كومبيناتتارىنىڭ قۇرىلىسى, ەنەرگەتيكالىق, فارماتسەۆتيكالىق كومپانيالار, بانكتەر مەن ساۋدا ورتالىقتارىن اشۋ سالالارى بويىن-
شا ورتاق جوبالاردى ءىسكە اسىرۋ ماقساتىنداعى قازاقستان-قىتاي ءوزارا ءتيىمدى ىنتىماقتاستىقتاعى قارىم-قاتىناسىن بەينەلەيدى. جامبىل ءجانە وڭتۇستىك قازاقستان وبلىستارىنداعى تسەمەنت زاۋىتتارى, «تاۋ-كەن» اقتوعاي زاۋىتى, «SINOPEC» مۇناي ءوڭدەۋ زاۋىتى, «مويناق سۋ» ەلەكتروستانسىنىڭ اشىلۋ ءساتتەرى, قازاقستان پرەزيدەنتى ن.ءا.نازارباەۆتىڭ «CNPCS» كومپانياسىنىڭ اقتوبەدەگى فيليالىنىڭ ديرەكتورىن گراموتامەن ماراپاتتاۋ ءساتى بەينەلەنگەن فوتوسۋرەتتەر ەرەكشە قىزىعۋشىلىق تۋدىردى.
قىتاي فوتوسۋرەتشىلەرىنىڭ الماتىدا تۇسىرگەن 19 فوتوسۋرەتىنەن تۇراتىن كورمەنىڭ ءۇشىنشى ءبولىمى: قىتايدىڭ سالت-ءداستۇرلەرى, ادەت-عۇرىپتارى, مەرەكەلەرى, قازىرگى دامۋى, «شەنسي پروۆينتسياسىنان الماتىعا دەيىن كەلگەن 100-دەن استام ادام مەن تۇيەلەر كەرۋەنى» جۇمىسى, قحر الماتى قالاسىنداعى باس كونسۋلدىعى ءوتكىزگەن «قىتاي تاعامدارىنىڭ مەرەكەسى», «قىتاي مادەنيەتىنىڭ كۇنى», قازاق مەملەكەتتىك قىزدار پەداگوگيكالىق ۋنيۆەرسيتەتىندە وتكەن «ءتىل دوستاستىقتىڭ كوپىرى» بايقاۋى, «قىتاي سپورتشىلار قۇراماسىنىڭ كونفۋتسي مەكتەبىنىڭ وقۋشىلارىمەن ءبىرگە قىتاي جاڭا جىلىن قارسى الۋى», «قازاقستان-قىتاي ديپلوماتيالىق قارىم-قاتىناسىنىڭ 25 جىلدىعىنا ارنالعان گالا-كونتسەرت», «ناۋرىز مەيرامى» سياقتى قازاقستان مەن قىتاي اراسىنداعى مادەنيەت پەن ونەر سالالارىنداعى قارىم-قاتىناستى قامتىعان.
كورمە ءساۋىر ايىنىڭ 11-ىنە دەيىن جالعاسپاق.
ميرا بايبەك,
«ەگەمەن قازاقستان»
الماتى