ارمانجان بايتاسوۆ بيزنەستى قولداۋعا ارنالعان مەدياجوبانى ىسكە قوستى, دەپ حابارلايدى forbes.kz.
جاڭا جوبانىڭ ماقساتى ەكونوميكانىڭ كۇردەلى كەزەڭىندە قازاقستاندىق بيزمەندەرگە جاعداي جاساۋ. باعدارلاما «قازاقستانا جاسالعان» دەپ اتالادى.
ارمانجان بايتاسوۆتىڭ ايتۋىنشا, وتاندىق كاسىپكەرلەر جوبامەن سەرىكتەس مەدياكومپانيالار ارقىلى ءوز تاۋارلارى مەن قىزمەتتەرىن جارنامالاي الادى. وسىلايشا تۇتىنۋشىلار مەن ساتىپ الۋشىلاردىڭ قىزىعۋشىلىعىن تۋدىرىپ, ساۋدا كولەمىن ارتتىرا الادى.
«كەز كەلگەن كاسىپكەر ءوز بيزنەسى, تاۋارلارى نەمەسە قىزمەتتەرى تۋرالى businessaidkz@gmail.com مەكەن-جايىنا ۇسىنىس جىبەرەدى. سونىمەن بىرگە ءوزىنىڭ بيزنەس تاريحىن جازادى. سەبەبى, بىزگە ونىڭ كاسىبىن قالاي باستاعانى جانە الداعى جوسپارلارى قىزىقتى. بارلىق ءوتىنىش حاتتار ىرىكتەلىپ تاڭدالادى. جوبا تەك ساپالى ونىمدەردى جارنامالايدى ال كاسىپ ءتۇرى (مەديتسينا, اۆتوكولىك, ءىت-قوسىمشالار ت.ب.) ماڭىزدى ەمەس. ەڭ باستىسى ءونىم قازاقستاندا جاسالعان بولۋى كەرەك», — دەپ اتاپ ءوتتى ارمانجان بايتاسوۆ.