نىساندى ارالاۋ بارىسىندا ب.ساعىنتاەۆقا «نۇر اقتوبە» تۇرعىن ءۇي الابىنداعى تۇرعىن ۇيلەردى سالۋ بارىسى, جوبالىق شەشىم ەرەكشەلىكتەرى جانە بەرىلەتىن پاتەرلەر ساپاسى تۋرالى باياندالدى, دەپ جازادى pm.kz.
نىسانداردىڭ قۇرىلىسىندا پايدالانىلاتىن ماتەريالداردىڭ 65% جەرگىلىكتى كاسىپورىنداردا وندىرىلەتىنىن ايتا كەتكەن ءجون.
“نۇر اقتوبە” تۇرعىن ءۇي الابىندا شامامەن 151 گەكتار ايماقتى الاتىن بىرنەشە شاعىن اۋدان بولادى. جوبانىڭ ءبىرىنشى كەزەڭىندە 423 كوپپاتەرلى ءۇي سالىنۋ جوسپارلانعان.
قازىرگى تاڭدا تۇرعىن ءۇي قۇرىلىسى باستالىپ كەتتى. پاتەرلەردىڭ شارشى مەترى 120 تەڭگەدەن اسپايدى. ال 2018-2020 جىلدارى وسى ايماقتاعى 380 گەكتار جەرگە 1819 نەسيەلىك ءۇي بوي كوتەرمەك.
2017-2018 جىلدارى “نۇر اقتوبە” تۇرعىن ءۇي الابىنداعى “تاۋنحاۋس” ءتيپتى 60 ءۇيدىڭ قۇرىلىسى قولعا الىنادى. وسى ارقىلى 2500 وتباسى باسپانالى بولماق.
بارلىعى «نۇرلى جەر» باعدارلاماسى بويىنشا اقتوبە وبلىسىندا 2017 جىلى 500-دەن كەم ەمەس از قاباتتى تۇرعىن ءۇي سالۋ جوسپارلانىپ وتىر, بۇل تۇرعىن ءۇي كەزەگىندە تۇرعان 700-دەن استام وتباسىنى قولايلى باسپانامەن قامتاماسىز ەتۋگە مۇمكىندىك بەرەدى. بۇل وسى ءوڭىر ءۇشىن ەرەكشە وزەكتىلىككە يە, سەبەبى قر پرەزيدەنتىنىڭ تاپسىرماسى بويىنشا, مۇندا اۋقىمدى اگلومەراتسيا دامىپ, اقتوبە قالاسى زاماناۋي ۋربانيستىك ورتالىققا اينالۋى ءتيىس.
ەسكە سالا كەتەيىك, قر پرەزيدەنتى ن. نازارباەۆ ءوزىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا «نۇرلى جەر» تۇرعىن ءۇي باعدارلاماسىن جۇزەگە اسىرۋدى ۇكىمەتتىڭ تاياۋ كەلەشەكتەگى باسىمدىقتى مىندەتتەرىنىڭ ءبىرى رەتىندە اتاپ كورسەتكەن, سەبەبى باعدارلاما الداعى 15 جىلدا 1,5 ميلليون وتباسىن تۇرعىن ۇيمەن قامتاماسىز ەتۋگە باعىتتالعان.