قىزىلوردا وبلىسىنىڭ اكىمى قىرىمبەك كوشەرباەۆ 20 شيەلىلىك تۇرعىنعا جەكە تۇرعىن ءۇي قۇرىلىسىن جۇرگىزۋ ءۇشىن جەر تەلىمدەرىنىڭ قۇجاتتارىن تاپسىردى. جاڭا«بەرەكە» مولتەك اۋدانىندا - 300, جالپى اۋدان بويىنشا 2500 ادام جەر تەلىمدەرىن الادى.
ءوزىنىڭ العىسوزىندە وبلىس اكىمى قىرىمبەك كوشەرباەۆ ەلدى مەكەندەردىڭ ەكونوميكاسى مەن اۋىل تۇرعىندارىنىڭ ءومىر ءسۇرۋ دەڭگەيىن جاقسارتۋ جەرگىلىكتى بيلىكتىڭ الداعى ۋاقىتتا دا ءبىرىنشى كەزەكتەگى مىندەتى ەكەنىن اتاپ ءوتتى.
- بۇگىندە ايماعىمىزدى دامىتۋ بويىنشا اۋقىمدى ىستەر اتقارىلۋدا. ناۋرىز مەرەكەسى قارساڭىندا وبلىس ورتالىعىندا جاڭا مولتەك اۋدان پايدالانۋعا بەرىلدى. بۇگىن 300-گە جۋىق شيەلى تۇرعىنىنا جەكە تۇرعىن ءۇي قۇرىلىسى ءۇشىن جەر تەلىمدەرى بەرىلەدى. شيەلى اۋدانىندا 7 مىڭعا جۋىق ادام باسپانا سالۋ ءۇشىن جەردىڭ كەزەگىندە تۇر. ەندى ءتيىستى ينفراقۇرىلىممەن قامتاماسىز ەتىلگەن اۋماقتان 2500 ادامعا جەر تەلىمدەرى بەرىلەتىن بولادى,- دەدى وبلىس اكىمى.