«باستاپقىدا «ا» كورپۋسىنا 1 204 ادام الىندى, قازىرگى كەزدە رەزەرۆتە 127 ادام تۇر. ياعني قالعاندارى قىزمەتكە ورنالاستى. بۇگىندە «ا» كورپۋسىنىڭ 39 لاۋازىمى بوس. وسى تۇرعىدا نە ىستەۋ كەرەك؟ بىرىنشىدەن, ءبىز «ا» كورپۋسىنا جاتاتىن لاۋازىمداردى قىسقارتۋ باعىتىندامىز. بۇل بارشامىزدىق ورتاق پىكىرىمىز دەپ ويلايمىز. وسى ورايدا «ا» كورپۋسىندا باسقارۋشىلىق ءارى ورنالاستىرۋشىلىق شەشىمدەردى قابىلدايتىن ادامدار بولۋى ءتيىس دەگەن تۇجىرىم بار. ولار كىمدەر؟ بۇگىنگى تىزىمدە جاۋاپتى حاتشىلار, ورتالىق مەملەكەتتىك جانە جەرگىلىكتى اتقارۋشى ورگاندار اپپاراتتارىنىڭ جەتەكشىلەرى, ورتالىق مەمورگاندار كوميتەتتەرىنىڭ توراعالارى, اۋدان اكىمدەرى قامتىلعان. قالعان لاۋازىمداردى بوساتامىز جانە جارلىقتىڭ كەلىسىلگەن جوباسى مەملەكەت باسشىسىنىڭ قول قويۋىنا ەنگىزىلدى», - دەدى قوجامجاروۆ «نۇر وتان» پارتياسىندا وتكەن مەملەكەتتىك قىزمەتتى رەفورمالاۋ ماسەلەلەرى جونىندەگى پارتيالىق تىڭداۋلار بارىسىندا.
بيىلعى اقپاندا قايرات قوجامجاروۆ پرەزيدەنتكە «ا» كورپۋسىن جەتىلدىرۋ ۇسىنىستارى تانىستىرىلاتىنىن حابارلاعان بولاتىن.
«جيناقتالعان تاجىريبەنى ەسكەرە وتىرىپ, «ا» كورپۋسى باسقارۋشىلار ينستيتۋتىن جەتىلدىرۋ قاجەتتىلىك ەتەدى. پرەزيدەنت اكىمشىلىگىمەن بىرلەسە تۇجىرىمدامالىق ۇسىنىستى ازىرلەدىك جانە ول مەملەكەت باسشىسىنىڭ قاراۋىنا ەنگىزىلەدى. بۇل ءوز كەزەگىندە «ا» كورپۋسىندا لاۋىزىمدار سانىن قىسقارتۋعا قاتىستى بولادى»,-دەپ ايتقان بولاتىن اگەنتتىك توراعاسى.