پرەمەر-مينيستر وتىرىستى باستاي وتىرىپ, وڭىردەگى كاسىپكەرلىك سەكتورىن دامىتۋدىڭ وزەكتى ماسەلەلەرى جونىندە پىكىر الماسۋدى ۇسىندى, دەپ حابارلايدى pm.kz.
كەزدەسۋ بارىسىندا شارا قاتىسۋشىلارى نەسيە رەسۋرستارىنىڭ قولجەتىمدىلىگى, سۋبسيديالاۋ, پايىزدىق مولشەرلەمەلەر, سالىق ساياساتى ماسەلەلەرىن, سونىمەن قاتار «بيزنەستىڭ جول كارتاسى-2020» مەملەكەتتىك باعدارلاماسىن ىسكە اسىرۋدىڭ ءتۇرلى اسپەكتىلەرىن تالقىلادى. سونداي-اق, اقتوبە وبلىسىنىڭ كاسىپكەرلەردىڭ قۇقىعىن قورعاۋ كەڭەسى كوتەرگەن ماسەلەلەر تالقىلاندى.
كەزدەسۋگە «اتامەكەن» ۇكپ تورالقاسىنىڭ توراعاسى ت. ق ۇلىباەۆ, «اتامەكەن» ۇكپ باسقارما توراعاسى ا. مىرزاحمەتوۆ قاتىستى. «اتامەكەن» ۇكپ وڭىرلىك كەڭەسىنىڭ توراعاسى ي. سالجانوۆ, «قادىروۆا» جك ديرەكتورى س. قادىروۆا, «داستان» جشس پرەزيدەنتى ا. ايتجانوۆ, «اقتوبە وبلىسىنىڭ ءسۇت جانە ءسۇت ونىمدەرىن وندىرۋشىلەر قاۋىمداستىعى» زتب توراعاسى م. يتەعۇلوۆ, «اقتوبەرەنتگەن» اق پرەزيدەنتى ر. ەسماعامبەتوۆ, «كوكتاس-اقتوبە» اق ديرەكتورىنىڭ ورىنباسارى ج. جاقىپوۆا ءسوز سويلەدى.
كەڭەس قورىتىندىسى بويىنشا ب. ساعىنتاەۆ جاۋاپتى مەملەكەتتىك ورگاندارعا كوتەرىلگەن ماسەلەلەردى باقىلاۋعا الۋدى تاپسىردى.
ايتا كەتۋ كەرەك, قر پرەمەر-ءمينيسترى وڭىرلەرگە جۇمىس ساپارى كەزىندە بيزنەس سەكتورىنىڭ وكىلدەرىمەن كەزدەسۋگە ەرەكشە باسىمدىق بەرەدى, وندا كاسىپكەرلەرگە قولداۋ كورسەتۋ بويىنشا ۇكىمەتتىڭ جۇرگىزىپ جاتقان جۇمىستارىن تۇسىندىرەدى. قر پرەزيدەنتى ن. نازارباەۆ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا بيزنەستىڭ ەلىمىزدىڭ ەكونوميكالىق ءوسىمىنىڭ قوزعاۋشى كۇشىنە اينالۋى كەرەكتىگىن اتاپ كورسەتكەن. وسى ورايدا ۇكىمەت شىعىنداردى قىسقارتۋ, قايتا رەتتەۋ بويىنشا جانە كاسىپكەرلەرگە قارجىلىق ءارى زاڭنامالىق قولداۋ كورسەتۋ جونىندە كەشەندى شارالاردى جۇزەگە اسىرۋدا.