ديماش قۇدايبەرگەن قاتىسىپ جاتقان I Am a Singer شوۋى "حابار" ارناسىنان 1 ساۋىردەن باستاپ كورسەتىلەدى. بايقاۋ قازاق تىلىنە "مەن ءانشىمىن" دەپ اۋدارىلعان. بۇل تۋرالى "حابار" تەلەارناسىنىڭ رەسمي سايتىندا حابارلاندى.
"ديماش قۇدايبەرگەن - ورتالىق ازيادان قاتىسقان العاشقى ءانشى. كورەرمەن ديماشتىڭ جەڭىس جولىنىڭ قالاي بولعاندىعىن تاماشالايدى. سونىمەن بىرگە ءانشىنىڭ قارسىلاستارى كىمدەر, ساراپشىلار وعان قانداي پىكىرلەر ايتتى جانە ت.ب. قىزىقتى اقپاراتتار بولادى. "حابار" ارناسى اتالمىش جوبانىڭ ءبىرىنشى بولىمىنەن باستاپ كورسەتەتىن بولادى. 1 ساۋىردەن باستاپ ساعات 16.15-تە ارنامىزدان تاماشالاڭىزدار!", - دەلىنگەن سايتتا.