«قازكوممەرتسبانك» اق قازىر 250 ملن تەڭگە ءبىرىنشى ترانشتى الىپ قويدى. 250 ملن تەڭگەنىڭ ەكىنشى ترانشى جاقىن ۋاقىتتا بولىنەدى. قالعان 500 ملن تەڭگە شامامەن «اتف بانك» اق, «ForteBank» اق, «ۆتب بانك» اق اراسىندا بولىنەدى, دەپ حابارلايدى «دامۋ» قورىنىڭ ءباسپاسوز قىزمەتى.
قارجىلاندىرۋ تالاپتارى: كاسىپكەرلەر ءۇشىن نەسيە مولشەرلەمەسى جىلىنا 8,5%. قارىز 100 ملن تەڭگەگە دەيىن بەرىلەدى. نەسيە فرانشيزا ليتسەنزياسىن ساتىپ الۋعا سالالىق شەكتەۋسىز بەرىلەدى.
سونداي-اق نەگىزگى جابدىقتاردى ساتىپ الۋ مەن جاڭارتۋعا, جەكە ساۋدا ءۇشىن اينالىم قاراجاتىن تولىقتىرۋعا مەيرامحانا بيزنەسى مەن دايىن تاماقتى جەتكىزىپ بەرۋ سالالارىنا بەرىلەدى.
نەسيەلەۋ مەرزىمى – فرانشيزا سالۋ ءۇشىن 7 جىلعا دەيىن; نەگىزگى جابدىقتاردى ساتىپ الۋ مەن جاڭارتۋعا 7 جىلعا دەيىن; اينالىم قاراجاتىن تولىقتىرۋعا 3 جىلعا دەيىن بەرىلەدى. «استانا بيزنەس» باعدارلاماسى بويىنشا جۇمىس ىستەيتىن كاسىپكەرلەر كەپىلزاتى جەتپەگەن جاعدايدا «دامۋ» قورىنىڭ كەپىلدەمەسىن الۋعا ءوتىنىم بەرە الادى.
سونداي-اق «دامۋ» قورى مەن استانا قالاسىنىڭ اكىمدىگى ءىسىن جاڭا باستاعان كاسىپكەردى قارجىلاندىرۋ ءۇشىن «استانا Startup» باعدارلاماسىنا پاريتەتتى نەگىزدە 500 ملن تەڭگە ءبولدى.
«قازكوممەرتسبانك» اق قازىر 250 ملن تەڭگە ءبىرىنشى ترانشتى الىپ قويدى. 250 ملن. تەڭگەنى قۇرايتىن ەكىنشى ترانش جاقىن ۋاقىتتا بولىنەدى.
قارجىلاندىرۋ تالاپتارى: كاسىپكەرلەر ءۇشىن نەسيە مولشەرلەمەسى جىلىنا 7,9%. قارىز 50 ملن تەڭگەگە دەيىن بەرىلەدى. قارىز نەگىزگى جابدىقتاردى ساتىپ الۋعا جانە جاڭارتۋ ماقساتىندا 84 ايعا دەيىن, اينالىم قاراجاتىن تولىقتىرۋعا 36 ايعا دەيىن بەرىلەدى.
بۇل باعدارلامالار بويىنشا جۇمىس ىستەيتىن كاسىپكەرلەر كەپىلزاتى جەتپەگەن جاعدايدا «دامۋ» قورىنىڭ كەپىلدەمەسىن الا الادى.