باعدارلامالاۋ جاعىن جاقسى مەڭگەرگەنمەن, بيزنەس الاسىنا شورقاقتاۋ ەدى. سول ۋاقىتتا كوكشەتاۋدا كاسىپكەرلەرگە قىزمەت كورسەتۋ ورتالىعى جۇمىسىن باستاعان بولاتىن. الدىمەن ول بيزنەس-كەڭەسشى باعىتى بويىنشا وقىدى, دەپ حابارلايدى "دامۋ" قورى.
سول جىلى جاس كاسىپكەر مەكتەبىنە قاتىسىپ, ءموبيلدى قوسىمشا جاساۋ بارىسىنداعى ءوزىنىڭ ءبىرىنشى بيزنەس-جوسپارىن ازىرلەدى. ميدى دامىتاتىن ويىندار يدەياسىنىڭ كوپشىلىكتى قىزىقتىراتىنىن تۇسىنگەن سوڭ, گرانت الۋعا دا ءوتىنىم بەردى. ءسويتىپ «قادام» اتتى موبيلدىك قوسىمشا جاساۋ جوباسىمەن جەڭىمپاز اتاندى. بۇل قوسىمشا ارقىلى جاستار لوگيكالىق ويلاۋ قابىلەتىنىن دامىتىپ, ءوز حالقىنىڭ تانىم-تاربيەسى مەن مادەنيەتىنە تەرەڭ ۇڭىلە الادى.
«ديزاينەرمەن بىرىگىپ ەكى جىلعا جۋىق جۇمىس ىستەدىك. قارجىلىق قيىندىقتارعا بايلانىستى جۇمىستى كەيىنگە قالدىرۋعا دا تۋرا كەلدى. ويىمىزدا تازا قازاقى ناقىشتا, بالالارعا ارنالعان 3 تىلدەگى ءموبيلدى قوسىمشا جاساۋ بولدى. قازىر ويىن قوسىلدى. تانىمال بولا باستادى. ۇيالى تەلەفونعا جۇكتەپ الۋعا بولادى. تابىسقا كەلەر بولساق, جوبا ءالى پايدا اكەلە قويعان جوق. نەگىزىنەن تاپسىرىستار سايت جاساۋ, ءموبيلدى قوسىمشا جاساۋ جونىنەن تۇسەدى. ۋاقىت وتە كەلە ءبىزدىڭ موبيلدىك قوسىمشالار ساپاسى ارتىپ, رەسەي مەن شەت ەلدىك قوسىمشالارمەن تەڭدەسە الادى دەپ سەنەمىن»,-دەيدى سامات.
قازىردىڭ وزىندە قوسىمشا ۇزدىك بەستىكككە كىرەدى. سامات قازىر 3D كىتاپتار جاساۋدى قولعا الىپ وتىر.