ءبىلىم سالاسىندا ىنتىماقتاستىقتى دامىتۋ ماقساتىندا «حالىقارالىق باعدارلامالار ورتالىعى» اق پرەزيدەنتى جانبولات مەلدەشوۆ قحر «حۋمەي چۋاني (تسزيانسۋ)» اق ديرەكتورى سۋ حۋەيتسزيۋنەممەن كەزدەسۋ وتكىزدى. كەزدەسۋدە «ماڭگىلىك ەل جاستارى – يندۋسترياعا!» — «سەرپىن» الەۋمەتتىك جوباسى اياسىندا حالىقارالىق ءبىلىم بەرۋ جانە ستۋدەنتتەرمەن الماسۋ سالاسىنداعى قازاقستان — قىتاي ىنتىماقتاستىعىنىڭ جۇزەگە اسىرىلۋ ماسەلەلەرى تالقىلاندى, دەپ حابارلايدى "حالىقارالىق باعدارلامالار ورتالىعى" اق ءباسپاسوز قىزمەتى.
قول جەتكىزىلگەن كەلىسىم بارىسىندا «سەرپىن» جوباسىنىڭ قاتىسۋشىلارى – وتىز ستۋدەنت 2017 جىلعى ماۋسىمنان قىرقۇيەك ايلارى ارالىعىندا قىتاي كاسىپورىندارىندا كاسىبي تاعىلىمدامادان وتەدى.
جوبا ماقساتى – «سەرپىن» جوباسى شەگىندە ءبىلىم الۋشىلار اراسىندا قحر تاعىلىمدامادان ءوتۋ, تاجىريبەلىك تاجىريبە جانە كاسىپكەرلىك داعدىلاردى الۋ ءۇشىن ستۋدەنتتەرمەن الماسۋ باعدارلامالارىن دامىتۋ. جوبا 2016 جىلعى 28 قىركۇيەكتەگى «سەرپىن» الەۋمەتتىك جوباسى مەن «حۋمەي چۋاني (تسزيانسۋ)»اق اراسىنداعى ىڭتىماقتاستىق تۋرالى مەموراندۋمعا سايكەس جۇزەگە اسىرىلۋدا.
«حۋمەي چۋاني (تسزيانسۋ)» (Humei Chuangye (Jiangsu) جوعارى وقۋ ورىندارى تۇلەكتەرىنىڭ جۇمىسپەن قامتۋ كەڭەسى, كەڭ كولەمدى ماماندىقتار شوعىرلانعان, مادەني-ءبىلىم بەرۋشىلىك الماسۋ سالاسىندا ۇزاق جىلدىق تاجىريبەسى بار وقۋ ورىندارى مەن كاسىپورىندار ىنتىماقتاستىعىنىڭ مۇشەسى بولىپ تابىلادى.
«حۋمەي چۋاني (تسزيانسۋ)» اق وكىلى اقپاراتتاندىرعانداي, قىتايلىق تاراپ جىل سايىن 100–500 قازاقستاندىق ستۋدەنتتەردى تەگىن تاعىلىمدامالارعا قابىلداۋعا دايىن. تاعىلىمدامالار ۇزاقتىعى – 3 ايدان 6 ايعا دەيىن. وقۋ ءتىلى – قىتاي.
تاعىلىمدامالار دۋالدىق ءبىلىم جۇيەسى بويىنشا جۇرگىزىلەدى: تەورەتيكالىق كۋرس – ەلدىڭ الدىڭعى قاتاردى ءبىلىم مەكەمەلەرىندە جانە تاجىريبەلىك ساباقتار – قىتايدىڭ ءۇش ءوندىرىسى دامىعان ايماقتارىندا 100 ۋنيۆەرسيتەتتەردەن استامى شوعىرلاندىرىلعان ءىرى ونەركاسىپتىك ۇيىمداردا.
سونىمەن قاتار, رەسپۋبليكاعا قازاقستاندىق ستۋدەنتتەر ورالعاننان كەيىن «حۋمەي چۋاني (تسزيانسۋ)» اق بىرلەسكەن قازاقستان-قىتاي كاسىپورىندارىندا اتالعان ستۋدەنتتەردى جۇمىسقا ورنالاستىرۋدا جاردەمدەسۋگە دايىن.
سوعان قوسا, «حۋمەي چۋاني (تسزيانسۋ)» اق قازاقستاندىق جانە قىتايلىق جوعارى وقۋ ورىندارىنىڭ اراسىندا قوس ديپلوم باعدارلامالارىن جىلجىتۋدا. وسى ماقساتپەن 2017 جىلعى 27 ناۋرىزدا «حۋمەي چۋاني (تسزيانسۋ)» اق جەتەكشىسى – سۋ حۋەيتسزيۋن پاۆلودار وبلىسىنا ساپار شەكتى. ساپار بارىسىندا «سەرپىن» جوباسىنا قاتىسۋشى پاۆلودار پەداگوگيكالىق ينستيتۋتى جانە س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ ستۋدەنتتەرى قحر تاعىلىمدامان وتۋگە دايىندىق تۋرالى كەلىسىمگە قول جەتكىزدى.
ەسكە سالا كەتەيىك, 2016 جىلعى قىركۇيەك ايىنان «ماڭگىلىك ەل جاستارى — يندۋسترياعا!» — «سەرپىن» الەۋمەتتىك جوباسىن «حالىقارالىق باعدارلامالار ورتالىعى» اق اكىمشىلىك ەتۋدە. قازىرگى تاڭدا «سەرپىن» جوباسىندا اقمولا, اقتوبە, اتىراۋ, قاراعاندى, قوستاناي, پاۆلودار, باتىس-قازاقستان, سولتۇستىك-قازاقستان جانە شىعىس-قازاقستان وبلىستارىنداعى 22 ۋنيۆەرسيتەت جانە 54 كوللەدج بازاسىندا ءبىلىم الۋشى رەسپۋبليكانىڭ وڭتۇستىك ايماقتارىنان 12 مىڭنان استام ستۋدەنتتەر قاتىسۋدا.