نىساندى ارالاۋ بارىسىندا ب.ساعىنتاەۆقا «نۇر اقتوبە» تۇرعىن ءۇي الابىنداعى تۇرعىن ۇيلەردى سالۋ بارىسى, جوبالىق شەشىم ەرەكشەلىكتەرى جانە بەرىلەتىن پاتەرلەر ساپاسى تۋرالى باياندالدى. نىسانداردىڭ قۇرىلىسىندا پايدالانىلاتىن ماتەريالداردىڭ 65% جەرگىلىكتى كاسىپورىنداردا وندىرىلەتىنىن ايتا كەتكەن ءجون.
بارلىعى «نۇرلى جەر» باعدارلاماسى بويىنشا اقتوبە وبلىسىندا 2017 جىلى 500-دەن كەم ەمەس از قاباتتى تۇرعىن ءۇي سالۋ جوسپارلانىپ وتىر, بۇل تۇرعىن ءۇي كەزەگىندە تۇرعان 700-دەن استام وتباسىنى قولايلى باسپانامەن قامتاماسىز ەتۋگە مۇمكىندىك بەرەدى. بۇل وسى ءوڭىر ءۇشىن ەرەكشە وزەكتىلىككە يە, سەبەبى قر پرەزيدەنتىنىڭ تاپسىرماسى بويىنشا, مۇندا اۋقىمدى اگلومەراتسيا دامىپ, اقتوبە قالاسى زاماناۋي ۋربانيستىك ورتالىققا اينالۋى ءتيىس.
ەسكە سالا كەتەيىك, قر پرەزيدەنتى ن. نازارباەۆ ءوزىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا «نۇرلى جەر» تۇرعىن ءۇي باعدارلاماسىن جۇزەگە اسىرۋدى ۇكىمەتتىڭ تاياۋ كەلەشەكتەگى باسىمدىقتى مىندەتتەرىنىڭ ءبىرى رەتىندە اتاپ كورسەتكەن, سەبەبى باعدارلاما الداعى 15 جىلدا 1,5 ميلليون وتباسىن تۇرعىن ۇيمەن قامتاماسىز ەتۋگە باعىتتالعان.
ايتا كەتۋ كەرەك, باعدارلامادا تۇرعىن ءۇي نارىعىن دامىتۋدىڭ كەشەندى شارالارى قامتىلعان. بۇل - قۇرىلىس سالۋشىلار ءۇشىن مەملەكەتتىڭ سۋبسيديالاۋدى ۇسىنۋى ەسەبىنەن بانك نەسيەلەرىن ارزانداتۋ, سونىمەن قاتار حالىققا ارنالعان يپوتەكالىق نەسيەلەردى سۋبسيديالاۋ.