سمارتفوندار نەگىزگى جانە فرونتالدى كامەرالارمەن جاراقتاندىرىلعان, مەگاپيكسەلدەرى سايكەسىنشە - 12 جانە 8. Samsung-ءتىڭ جاڭا فلاگمانىنىڭ كولەمى نەگىزگى باسەكەلەستەر iPhone 7 جانە iPhone 7 Plus-تەردەن ءبىرشاما ۇلكەنىرەك. S8-ءدىڭ ەكرانى - 5,8, ال S8+ - 6,2 ديۋيم, دەپ حابارلايدى قازاقپارات.
تەلەفون جادىنىڭ كولەمى - 64 گيگابايت, وپەراتيۆتى جادى 8 گيگابايتتى قۇرايدى. جاڭا مودەلدەردە Apple-ءدىڭ Siri سەرۆيسىنە ۇقساس دىبىستىق اسسيستەنت - Bixby بولادى.
اقش-تا سمارتفوندار ساتىلىمعا 2017 جىلدىڭ 21 ءساۋىرى كۇنى شىعادى.
ەسكە سالايىق, 2016 جىلدىڭ قازانىندا Samsung كومپانياسى Galaxy Note 7-مەن بولعان تۇيىتكىلدەرگە بايلانىستى Galaxy S8-ءدىڭ شىعارىلىمىن توقتاتقان بولاتىن. اتالمىش مودەلدى تەلەفوندار قۋاتتاۋ كەزىندە جارىلىپ, جانا باستايتىن. ناتيجەسىندە, ءوندىرۋشى كومپانيا 2016 جىلدىڭ قىركۇيەگىندە 2,5 ميلليون سمارتفوندى الەمدىك نارىقتان قايتارىپ الدى.