وقىرمان سۇراۋ سالادى
كوگiلدiر وتىننىڭ باعاسى اسپانداپ تۇر
جامبىل وبلىسىنىڭ شۋ اۋدانىندا اۋىل-ايماقتى گازداندىرۋ ماسەلەسi بۇگiندە حالىقتى قيىن جاعدايدا قالدىرىپ وتىر. ماسەلەن, «قازترانسگاز ايماق» مەردiگەرلەرi تاراپىنان شۋ قالاسى مەن كوكقاينار, بەلباسار, ەڭبەكشi, جاڭا جول, قوناەۆ, بiرلiك, كوكتوبە اۋىلدارىنا گاز قۇبىرلارىن جۇرگiزۋ ءۇشiن ءار ۇيدەن 300-350 مىڭ تەڭگە ارالىعىندا اقشا الىندى. ال «پاريەۆ» جشس مەردiگەرi 20 مىڭنان اسا تۇرعىنى بار تولە بي اۋىلىنىڭ ءار ۇيiنەن پەشسiز, ولشەۋiش قۇرالدارىنسىز 570 مىڭ تەڭگەدەن تالاپ ەتۋدە. ول ول ما, تولە بي اۋىلىنان ون شاقىرىم قاشىقتىقتاعى اباي اۋىلى تۇرعىندارىنان بiر ميلليون تەڭگەدەن تالاپ ەتكەن.
وسىنداي تۇراقسىز, قاراپايىم حالىقتىڭ قالتاسى كوتەرمەيتiن باعانىڭ كەسiرiنەن تولە بي, اباي اۋىلىمەن قوسا تاعى ون شاقتى ەلدi مەكەن ءالi كۇنگە گازبەن قامتاماسىز ەتiلمەي وتىر. ال گاز قۇبىرلارىن جۇرگiزۋ جۇمىستارى كەزiندە باعا 420 مىڭ تەڭگەگە كوتەرiلدi. كەيiن 2016 جىلدىڭ باسىنان 570 مىڭ تەڭگەگە بiر-اق شارىقتاپ كەتتi. مۇنداي سومانى قاراپايىم حالىق مۇلدەم تولەي المايدى. اۋدان اكiمدiگiنiڭ حالىققا الدىن الا ەسكەرتپەي, «پاريەۆ» جشس-مەن حاتتاما جاساسقانى كۇمان تۋعىزادى. سول سەبەپتi اۋدانارالىق پروكۋراتۋرا وسى ماسەلەنi قولعا الىپ, بiر شارا قولدانادى دەگەن ۇمiتتەمiز.
جامبىل وبلىسى تۇرعىندارىنىڭ اتىنان
ماكەن ۋاقتەگI
تولە بي اۋىلى,
شۋ اۋدانى
...ۇلگى تۇتادى
قاريالارعا قامقورلىق جاسايىق
«نۇر وتان» پارتياسىنىڭ «ارداگەرلەردى ارداقتايىق!» اكتسياسى اياسىندا ماڭعىستاۋ اۋداندىق فيليالىنىڭ «جاس وتان» جاستار قاناتى باستاۋىش پارتيا ۇيىمىنىڭ مۇشەلەرى شەتپەدەگى تىل جانە ەڭبەك ارداگەرلەرىنىڭ ۇيلەرىنە بارىپ الەۋمەتتىك قولداۋ تانىتۋدا. العاشقى بولىپ پارتيا بەلسەندىلەرى شەتپەلىك تىل جانە ەڭبەك ارداگەرى تۇرسىن جىلقىبەكوۆانىڭ شاڭىراعىندا بولدى. جاستار الدىمەن 90 جاسقا جاقىنداعان ارداگەرمەن سۇحبات جۇرگىزىپ, بۇگىنگى تۇرمىس جاعدايىمەن تانىستى. ومىراۋىنداعى وردەندەرى مەن مەدالدارى – قاريانىڭ تىلداعى ەڭبەكتەرىنىڭ كۋاسى. ايتا كەتەيىك, اۋداندا قازىر 169 تىل ارداگەرى بار. ال اۋدان ورتالىعى شەتپەدە 30-دان استام ارداگەر تىرلىك ەتەدى. بارلىعى «ارداگەرلەردى ارداقتايىق!» جوباسىنىڭ شاپاعاتىن كورمەك. شارا اياسىندا جاستار تىل جانە ەڭبەك ارداگەرلەرىنىڭ ۇيلەرىنە بارىپ, ەسىك الدىن تازالاپ, قول كومەگىن سوزدى.
الداش شوڭاي
ماڭعىستاۋ وبلىسى,
ماڭعىستاۋ اۋدانى
...ءۇمىت ارتادى
كەزەگىم جىلجيتىن ءتۇرى جوق...
ء«ۇي بولماي, كۇي بولمايدى» دەپ دۇرىس ايتىلعان. كوپتەن بەرى كۇيىم بولماي جۇرگەن جانداردىڭ ءبىرىمىن. تۇرعىن ءۇي كەزەگىنە بۇدان جەتى جىل بۇرىن تۇرعان بولاتىنمىن. الايدا كەزەگىم العا قاراي جىلجىماي تۇر. بۇعان دەيىن جاعدايىمدى اقتوبە قالالىق تۇرعىن ءۇي كوممۋنالدىق شارۋاشىلىق بولىمىنە بارىپ ايتقانمىن. بىراق ودان ەشقانداي ناتيجە شىقپادى.
تاياۋدا ءوتىنىشىمدى اقتوبە قالالىق ءماسليحاتىنىڭ حاتشىسى سۇلۋتاڭ شىنتاسوۆاعا ءبىلدىردىم. ول مەنى «تۇرعىن ءۇي قۇرىلىس جيناق بانكى» اق ديرەكتورىنىڭ ورىنباسارى تالعات وتەباەۆقا جىبەردى. بۇل ازامات ماعان كەزەكتە تۇرعاندارعا دەپوزيت تەگىن اشىلاتىنىن ايتتى. وسىعان وراي الداعى ءساۋىر ايىندا وتەتىن كونكۋرسقا قاتىسۋىم كەرەك ەكەن. ونىڭ ايتۋىنشا كەزەگىم بويىنشا ءۇي الۋعا بولادى ەكەن. ورىنباساردىڭ اڭگىمەسىنەن تۇسىنگەنىم, بۇل كونكۋرستىڭ تالاپتارى وتە جوعارى سەكىلدى. ول دەپوزيت بويىنشا بالل ەسەپتەلەدى دەگەن ماسەلەلەردى ايتتى. قىسقاسى, قازىرگى كۇنى دە مۇنىڭ ءوزى تۋماعان سيىردىڭ سارى ۋىزىنا ۇقساپ كەتپەسە ەكەن دەپ الاڭداي بەرەمىن.
اقمارجان شوراەۆا,
قارعالى سەلولىق وكرۋگىنە قاراستى پەرزەنتحانا اكۋشەرى
اقتوبە
...وي بولىسەدى
بالا وقىتقاننان دوپ قۋعان جاقسى...
دۇنيەدە مىڭداعان ماماندىقتاردىڭ iشiندەگi ەڭ قيىنى دا, قۇرمەتتiسi دە, مارتەبەلەسى دە – ۇستاز ماماندىعى. ال ۇستازدىق ەتۋدەن جالىقپاي, سان ۇرپاققا جۇرەك جىلۋى مەن مەيiرiم شۋاعىن توككەن ۇستازدىڭ بۇگiنگi تاڭداعى حال-احۋالى قانداي دارەجەدە؟ قازiر ۇستازدار قاۋىمى بۇرىنعىداي ەمەس, ايلىق ەڭبەكاقىسىن ۋاقىتىندا الادى. وعان دا شۇكiر. بiراق الىپ وتىرعان جالاقىسى بiر وتباسىن اسىراۋعا جەتە مە؟ بۇگiنگi تاڭدا باسىندا نەسيەسi جوق مۇعالiم كەمدە-كەم.
ەندi قاراڭىز, فۋتبولشىلاردىڭ جاعدايى ۇستازداردىكiنەن الدەقايدا كەرەمەت ەكەن. مەن بۇل جەردە ولارعا قىزعانىشپەن قاراپ وتىرعان جوقپىن. ءوزiم سپورت جانكۇيەرi بولعاندىقتان, ارينە, ەلiمiزدە سپورتتىڭ ءتۇر-ءتۇرiنiڭ دامۋىنا قۋانامىن. ولاردىڭ ەڭبەكتەرiنiڭ دە ءوز ەرەكشەلiگi بار. دەگەنمەن, ەلiمiزدە ۇستازداردىڭ قۇنى سپورتشىلارعا قاراعاندا وتە تومەن باعالاناتىنى مەنi قۋانتا قويمايدى. فۋتبول كومانداسىنىڭ بiر ويىنشىسىنا 2016 جىلعى مالiمەت بويىنشا اي سايىن 9 ميلليون تەڭگە جالاقى تولەنiپتى. بۇل دەگەنiمiز – بiراز مۇعالiمنiڭ ايلىعى عوي. ۇزىن ءسوزدiڭ قىسقاسى, ۇلاعاتتى ۇستاز بەن فۋتبول ويىنشىسىنىڭ ەڭبەكاقىلارىنداعى ايىرماشىلىق – جەر مەن كوكتەي.
وسى جايتتاردى ەسكەرە وتىرىپ, جاس ۇرپاقتىڭ بولاشاعىنا الاڭداپ, ساماي شاشى اعارعانعا دەيiن بالالارعا بiلiمi مەن تاربيەسiن بەرiپ, ايانباي ەڭبەك ەتiپ كەلە جاتقان ۇلاعاتتى ۇستازدىڭ مارتەبەسi نەگە وتە تومەن؟! الداعى ۋاقىتتا بۇل ماسەلەگە تيiستi دارەجەدە كوڭiل بولiنسە وتە ورىندى بولار ەدi. ايتەۋiر ەلدiڭ, ۇرپاقتىڭ بولاشاعى ءۇشiن ەڭبەك ەتiپ جۇرگەن ۇستازدار قاۋىمىنىڭ دا جاعدايى جاقسارادى دەگەن ۇمiتتەمiن.
قايرات وماروۆ,
ۇستاز
شىمكەنت
...قاۋىپ ەتەدى
ويىنا كەلگەن باعانى قوياتىنى نەسى؟!
كەڭەستiك كەزەڭدە «الىپساتار» دەگەن ۇعىم جۇرتتىڭ زارەسiن الۋشى ەدi. قازiر بۇل ءسوز جيi قولدانىلماسا دا, قاپتاعان دۇكەندەردەگi تاۋار باعالارى وسى الىپساتارلىقتى ەسكە ءتۇسiرiپ جاتقانداي. وعان مىسال رەتiندە مىنا بiر جاعدايدى ايتا كەتەيiن. جاقىندا بiر سۋپەرماركەتتەن ءوزiم جاقسى كورەتiن «جوكەي ارابيكا تريۋمف» دەگەن كوفەنiڭ ەڭ كiشكەنتاي ىدىستاعىسىن ساتىپ الدىم. كوفەنiڭ بۇل ءتۇرi الماتى دۇكەندەرiندە سيرەك بولادى, باعاسى – 590 تەڭگە. تاعى بiردە ءسۇت الماق بولىپ, «SMALL» (روزىباكيەۆ پەن مىڭباەۆ كوشەلەرiنiڭ قيىلىسىنداعى) سۋپەرماركەتiنە باردىم. جاڭاعى 590 تەڭگەلiك «جوكەي ارابيكا تريۋمف» دەگەن كوفەم بۇل جەردە 990 تەڭگە ەكەن. ويپىر-اي! بۇل نە بولعانى سوندا؟! سۋپەرماركەتتiڭ شەكەسiندەگi «بiزدە وتە تومەن باعا!» دەگەن جازۋى وتiرiك بولعانى ما؟! بۇل دۇكەندەگi تاۋارلاردىڭ باعاسى ەڭ تومەن ەمەس, ەڭ قىمبات قوي! سودان ويلانا كەلە, بۇل دەگەنiمiز بۇرىنعى الىپساتارلىقتىڭ بۇگiنگi ءتۇرi ەكەن عوي دەپ توپشىلادىم. «الىپساتار» دەگەن ۇعىم اشىق قولدانىلماسا دا, دۇكەندەر ويىنا كەلگەن باعانى قويىپ, ونىڭ ەسەسiن قايتارىپ جاتىر ەكەن.
قۇتتىبەك قىبىراي ۇلى
الماتى