قازاقستاندىق جاستاردىڭ وكىلى رەتىندە بىزدەردىڭ جان-جاقتى ءبىلىم الىپ, ءوز مۇمكىندىگىمىزدى جۇزەگە اسىرۋعا قولداۋ كورسەتكەنى ءۇشىن ەلىمىزدىڭ باسشىلىعىنا ريزاشىلىعىمىزدى بىلدىرەمىز. بۇگىندە جاستاردىڭ الداعى ۋاقىتتا قوعامدى جاڭعىرتۋ, سونداي-اق, مەملەكەتتىك قۇرىلىمداردى جەتىلدىرۋدەن باستاپ, اقپاراتتىق تەحنولوگيالار سالاسىندا جاڭا باعىتتاردى دامىتۋعا دەيىنگى جۇمىستارعا ءوز ۇلەستەرىن قوسۋعا جول اشىلىپ وتىر. بۇل ماسەلەلەردە وزگە مەملەكەتتەردىڭ تابىستى تاجىريبەلەرىن نازاردا ۇستاعان ەشقاشان ارتىقتىق ەتپەيدى.
بۇگىندە ءوزىم ءبىلىم الىپ ءجۇرگەن فينليانديانى الاتىن بولساق, ونداعى سۋوميدە تسيفرلى تەحنولوگيا وتە جاقسى دامىعان. سكانديناۆيالىق مەملەكەت وسى تسيفرلى تەحنولوگيانى ەل ەكونوميكاسىن دامىتۋداعى باسىمدىقتاردىڭ ءبىرى رەتىندە قاراستىرادى. ويتكەنى, ولاردا تسيفرلى بيزنەس قازىردىڭ وزىندە جاڭا سالا بولىپ قالىپتاسۋدا. مىسالى, سوڭعى جىلدارى سۋوميدە ويىن يندۋسترياسى رىنوگى بەلسەندى دامىپ كەلەدى. رىنوك كوشباسشىسى رەتىندە تانىلعان «سۋپەرسەلل» كومپانياسى جاستاردىڭ «كۋميرىنە» اينالىپ ۇلگەردى. بۇل كومپانيا نەبارى التى جىلدىڭ ىشىندە شاعىن عانا فيرمادان الەمدىك ويىن يندۋسترياسى رىنوگىنداعى ءىرى ويىنشىنىڭ بىرىنە اينالدى.
تسيفرلى تەحنولوگيا ءوزىن ءوزى تەز اقتايتىن جانە ەكونوميكانى قارقىندى دامىتۋدىڭ سەنىمدى قۇرالى بولىپ تابىلادى. سوندىقتان دا ەلباسى جولداۋىندا تسيفرلى تەحنولوگيانى دامىتۋعا ەرەكشە ءمان بەرىلگەن. مىنە, بۇل پرەزيدەنتىمىزدىڭ ەل بولاشاعىنا بايلانىستى ماسەلەلەردى كۇنى بۇرىن زەردەلەپ, ناقتى شەشىم قابىلدايتىن كورەگەندى ساياساتكەر ەكەنىن دالەلدەپ تۇر.
قازاقستان ءوندىرىس سالالارىنا جاڭا تەحنولوگيالاردى باتىل ەنگىزۋ ارقىلى الەمدىك دەڭگەيگە كوتەرىلەتىنىنە بىزدەر – جاستار سەنىمدىمىز, وعان ءوز ۇلەسىمىزدى قوسۋعا ارقاشان دايىنبىز.
انار بازارحانوۆا,
فينلياندياداعى االتو ۋنيۆەرسيتەتىنىڭ دوكتورانتى