تاقىرىبى − «ىشكى جانە سىرتقى كوشى-قون ماسەلەلەرى تۋرالى» دەپ اتالادى. پارلامەنت ءماجىلىسى الەۋمەتتىك-مادەني دامۋ كوميتەتىنىڭ حاتشىسى, ماجىلىستەگى «نۇر وتان» پارتياسىنىڭ فراكتسياسى جانىنداعى ەكونوميكالىق ساياسات ءجونىندەگى كەڭەستىڭ توراعاسى بەيبىت مامراەۆ مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق ءباسەكەگە قابىلەتتىلىك» اتتى قازاقستان حالقىنا جولداۋىندا قويىلعان ەڭبەك نارىعىن جاڭعىرتۋعا بايلانىستى كەشەندى تاپسىرمانى ىسكە اسىرۋ اياسىندا قاراستىرىلىپ وتىرعان ماسەلەنىڭ ماڭىزدىلىعىن اتاپ ءوتتى.
وتىرىسقا قاتىسۋشىلار 2015 جىلعا قاراعاندا وتكەن جىلى ىشكى كوشى-قوننىڭ 25 پايىزعا, ەلىمىزدە تىركەلگەن شەت ەل ازاماتتارى سانىنىڭ 25 پايىزعا جانە ولار جاساعان قۇقىق بۇزۋشىلىقتىڭ 5,9 پايىزعا ارتقانىن العا تارتا كەلىپ, سونىمەن قاتار, زاڭسىز كوشى-قون جانە ازاماتتاردىڭ, سونىڭ ىشىندە جوعارى بىلىكتى مامانداردىڭ, شەت ەلدەرگە كەتۋ ءۇردىسىنىڭ ورىن الىپ وتىرعانىنا نازار اۋداردى.
دەپۋتاتتار سونداي-اق ەتنوستىق قازاقتاردى قابىلداۋ, ولارعا قازاقستان ازاماتتىعىن بەرۋ كەزiندە قۇقىقتىق راسىمدەردى وڭايلاتۋ جانە ورالمانداردى ەڭبەك كۇشى قاجەت ايماقتارعا قونىس اۋدارۋ ماسەلەلەرى بويىنشا قونىمدى ۇسىنىستار ءبىلدىردى.
بىرلەسكەن وتىرىستىڭ جۇمىسىنا ەڭبەك جانە حالىقتى الەۋمەتتىك قورعاۋ, ىشكى ىستەر, ءبىلىم جانە عىلىم, سىرتقى ىستەر, ۇلتتىق ەكونوميكا مينيسترلىكتەرىنىڭ, جەرگىلىكتى اتقارۋشى ورگانداردىڭ, حالىقارالىق كوشى-قون ۇيىمىنىڭ, دۇنيەجۇزى قازاقتارى قاۋىمداستىعىنىڭ وكىلدەرى قاتىستى.
وتىرىس قورىتىندىسى بويىنشا ءتيىستى ۇسىنىستار قابىلداندى.