بۇگىن Hunan TV ارناسىنان بايقاۋدىڭ 10-شى كەزەڭى كورسەتىلدى. ناتيجەسىندە ديماش بايقاۋدىڭ فينالىنا شىقتى.
"ول 11-ءشى كەزەڭگە قاتىسپايدى, سەبەبى بايقاۋعا ورتا جولدان قاتىساتىندار ءوزارا باق سىنايدى. ال ديماش شىعىپ وتىرعان فينالدىڭ ءوزى ەكى كەزەڭنەن تۇرادى. ءبىرىنشى كەزەڭىندە ول جالعىز ءان ايتسا, ەكىنشى كەزەڭدە دۋەت بولىپ ءان ورىندايدى. الايدا ازىرگە ونىڭ كىممەن ءان شىرقايتىنى بەلگىسىز", - دەدى الپامىس شاريموۆ.
بۇل كەزەڭدە ديماش "ۇمىتىلماس كۇن" ءانىن قازاق جانە قىتاي تىلىندە ورىندادى. ايتا كەتەيىك, ءاننىڭ اۆتورى ديماش قۇدايبەرگەننىڭ ءوزى, ال ءسوزىن جازعان ورال بايسەڭگىر.
ايتا كەتەيىك, وسىعان دەيىن ديماش قۇدايبەرگەننىڭ PR-ديرەكتورى ءارى جاقىن دوسى الپامىس شاريموۆ I am a Singer مۋزىكالىق بايقاۋىنىڭ فينالىندا قازاقستاندىق ءانشىنىڭ كىمدەرمەن سىنعا تۇسەتىنى جايلى ايتىپ بەردى.
ء"دال قازىر فينالدامىز. فينالعا جەتەمىز دەپ ويلاعان جوقپىز. ديماش جانە ونىمەن بىرگە سەندي لەم (Sandy Lam), گونكونگتىق توپ Lions بار. ارينە, بۇل ءبىز ءۇشىن وتە قۋانىش. وسى كەزگە دەيىن قازاقتىڭ حالىق ءانىن دە ورىندادىق, ەۋروپالىق تانىمال اندەردى دە ورىندادىق. الەمگە تانىمال جانە قىتايدىڭ سۇيىكتى اندەرى ورىندالدى. ديماش كورەرمەندەردى بارىنشا تاڭعالدىرۋعا تىرىستى. سونىڭ ارقاسىندا بۇگىن فينالعا جەتىپ وتىر", - دەگەن ەدى ءانشىنىڭ وكىلى.