قىتايدىڭ وڭتۇستىگىندە ورنالاسقان گۋانچجوۋ قالاسىنىڭ تسۋنحۋا وكرۋگىندە جاڭا سالىنىپ جاتقان جىلۋ ەلەكتر ستانتسياسى قۇلادى. بۇل تۋرالى «سينحۋا» اگەنتتىگىنە سىلتەمە جاساپ Lenta.ru حابارلايدى.
وقيعانىڭ سالدارىنان 9 ادام قايتىس بولىپ, تاعى ەكى ادام زارداپ شەكتى. قازىرگى تاڭدا وندا قۇتقارۋ جۇمىستارى ءجۇرىپ جاتىر. قيراندىلاردىڭ استىندا قالعان ادامداردىڭ ناقتى سانى بەلگىسىز. وقيعانىڭ ءمان-جايى انىقتالۋدا.
24 ناۋرىز كۇنى جەرگىلىكتى ۋاقىت بويىنشا ساعات 07-00-لەر شاماسىندا ەلدىڭ شىعىسىندا ورنالاسقان تسزيانسي پروۆينتسياسىندا قۇرىلىسى ءجۇرىپ جاتقان ەلەكتر ستانتسياسىنىڭ سالقىنداتقىش مۇناراسى قۇلادى. سونىڭ سالدارىنان 74 ادام قۇربان بولىپ, تاعى ەكى قۇرىلىسشى جاراقات العان بولاتىن.