وبلىستىق اكىمدىكتە وتكەن مەموراندۋمعا قول قويۋ شاراسىنا وبلىس اكىمى جانسەيىت تۇيمەباەۆ پەن ءدارىحانا ۇيىمدارى تاراپىنان 40 فارماتسەۆتيكالىق ۇيىم باسشىلارى قاتىستى. ەندى وتاندىق دارىلىك زاتتار مەن مەديتسينالىق بۇيىمداردى ءوندىرۋشى كومپانيالار مەن شەتەلدىك تاۋارلاردىڭ رەسمي ديستريبيۋتورلارى 150 دارىلىك زاتتىڭ باعاسىن جىل سوڭىنا دەيىن كوتەرمەيتىن بولادى.
«مەموراندۋمعا 150 ءتۇرلى ءدارى-دارمەك ەنگىزىلىپ وتىر. ويتكەنى بۇل دارىلەردىڭ الەۋمەتتىك ماڭىزى زور. وسىلايشا ءبىز وبلىس تۇرعىندارىنىڭ باسىم بولىگىنە قولداۋ كورسەتەمىز. حالىقتىڭ الەۋمەتتىك ءالسىز توپتارىنا قولداۋ ءبىلدىرىپ, كەلىسىمگە قول قويىپ وتىرعان ءدارىحانا باسشىلارىنا وڭتۇستىك جۇرتىنىڭ اتىنان ريزاشىلىعىمدى بىلدىرەمىن»,- دەدى جانسەيىت قانسەيىت ۇلى.
ايتا كەتەيىك, بۇل جولعى كەلىسىم وبلىستاعى فارماتسەۆتىك مەكەمەلەر مەن ءدارىحانالاردا ساتىلاتىن دارىلىك زاتتاردى تۇراقتى باعادا ۇستاۋعا, سونىمەن قاتار باعانىڭ نەگىزسىز كوتەرىلۋىنەن تۇتىنۋشىلار قۇقىعىن قورعاۋ جانە الەۋمەتتىك الاڭداۋشىلىقتى بولدىرماۋعا ارنالدى.