2017 جىلدىڭ اقپان ايىندا قازاقستانداعى بولشەك ساۋدا كولەمى 567,8 ميلليارد تەڭگەگە جەتكەن. بۇل بىلتىرعى جىلمەن سالىستىرعاندا 15,4 پايىزعا جوعارى, دەپ جازادى ranking.kz.
اقپان ايى بويىنشا ەڭ جوعارى كورسەتكىش اتىراۋ وبلىسىندا بايقالدى (14,7 پايىزعا, ياعني 19,7 ميلليارد تەڭگەگە وسكەن). ال قىزىلوردا وبلىسىندا - 10,7 پايىز, ياعني 17,6 ميلليارد تەڭگەگە وسكەن.
بولشەك ساۋدادا مەگاپوليستەردىڭ ۇلەسى جوعارىلاپ كەلەدى: 2017 جىلدىڭ اقپانىندا 42,8 پايىز, ال ءبىر اي بۇرىن 42,5 پايىز بولعان جانە ءبىر جىل بۇرىن 41,3 پايىز بولعان.
قازاقستاندىقتاردىڭ ءبىر اي ىشىندە جۇمسايتىن قاراجاتى وسكەن. اقپان ايىندا بۇل سوما 56,1 مىڭ تەڭگەگە جەتىپ, قاڭتار ايىمەن سالىستىرعاندا مىڭ تەڭگەگە, ال 2016 جىلمەن سالىستىرعاندا 7,2 مىڭعا وسكەن. ەڭ جوعارى كورسەتكىش الماتى قالاسى (106,2 مىڭ + 3,3 مىڭ قاڭتاردا) مەن اتىراۋ وبلىسىندا (68,9 مىڭ + 8,8 مىڭ قاڭتار) تىركەلگەن.