استانادا «قازاق ارۋى-2017» سۇلۋلىق بايقاۋىنىڭ فينالى ءوتتى, دەپ حابارلايدى 24.kz.
شەشۋشى سىندا جەڭىس باتىس قازاقستان وبلىسىنىڭ وكىلى نۇرگۇل اسانوۆاعا بۇيىردى. ءبىرىنشى ورىنعا قىزىلوردالىق زۋxرا سايپي يەلىك ەتسە, اقتوبەلىك گۇلجانات جۇماجانوۆا ەكىنشى ورىننان كورىندى. ۇزدىك ۇشتىكتى قاراعاندىلىق ايگەرىم ورىنبەكوۆا تۇيىندەدى.
«قازاق ارۋى» سۇلۋلىق بايقاۋى استاناداعى بەيبىتشىلىك جانە كەلىسىم سارايىندا ءوتتى. بيىلعى سايىسقا ەلىمىزدىڭ ءار ايماعىنان ىرىكتەلگەن 16 ارۋ قاتىستى. جىل سايىن ناۋرىز مەرەكەسى قارساڭىندا ۇيىمداستىرىلاتىن «قازاق ارۋى» بايقاۋى بىرنەشە كەزەڭنەن تۇرادى.
ايتا كەتەيىك, سۇلۋلىق بايقاۋى وسىمەن جەتىنشى رەت ءوتىپ وتىر. بىلتىر بايقاۋدىڭ جەڭىمپازى اتىراۋلىق الميرا احاتوۆا بولعان ەدى.