«گولوۆكيندەي بىلىكتى بوكسشىنى جەڭۋ ءۇشىن جۇرەك جۇتقان ادام بولۋ كەرەك شىعار. بىراق باسىمنان وتكەن قيىن جاعدايلاردان كەيىن مەن قانداي سىناققا (دەنيەل 2011 جىلى ىسىك اۋرۋىنا شالدىققان) بولسىن دايىنمىن. قازىر ەشنارسەدەن قورىقپايمىن», – دەدى 30 جاستاعى امەريكالىق بوكسشى.
«GGG-گە قارسى كەزدەسۋ ومىرىمدەگى ەڭ ايتۋلى جەكپە-جەك بولايىن دەپ تۇر. بۇل ماعان بەرىلگەن ۇلكەن مۇمكىندىك. ەندى جەڭىسكە جەتۋ ءۇشىن ايانىپ قالماسپىن. وزىمە ءوزىم تولىقتاي سەنىمدىمىن», – دەدى دەنيەل دجەيكوبس.
ايتا كەتەيىك, 18 ناۋرىز كۇنى گەننادي گولوۆكين مەن دەنيەل دجەيكوبس نيۋ-يوركتەگى Madison Square Garden ارەناسىندا كۇش سىناسادى. قازاقستاندىق بوكسشى بۇل كەزدەسۋدە وزىنە تيەسىلى WBC, WBA (Super), IBF جانە IBO بەلبەۋلەرىن ورتاعا سالادى. ەلىمىزدە بۇل جەكپە-جەكتى 19 ناۋرىزدا «قازاقستان» جانە «KazSport» تەلەارنالارى تىكەلەي ەفيردە كورسەتەدى.