ستراتەگيالىق جوسپار ءبىراۋىزدان قابىلداندى

كەشە بەيبىتشىلىك جانە كەلىسىم سارايىندا قازاقستان حالقى اسسامبلەياسىنىڭ 2020 جىلعا دەيىنگى ستراتەگيالىق جوسپارى مەن تاۋەلسىزدىكتىڭ 20 جىلدىعىن وتكىزۋگە ارنالعان اسسامبلەيانىڭ ءىس-شارالار جوسپارىن جۇزەگە اسىرۋ ماقساتىندا اسسامبلەيا كەڭەسىنىڭ كەڭەيتىلگەن وتىرىسى ءوتتى. «تاۋەلسىز قازاقستان: بەيبىت­شىلىكتىڭ, كەلىسىمنىڭ جانە جاسام­پاز­دىقتىڭ 20 جىلى» اتتى قازاق­ستان حالقى اسسامبلەياسىنىڭ ءحVىى سەس­سيا­سى اياسىندا وتكەن كەڭەيتىل­گەن وتى­رىس مەملەكەتتىك حاتشى قانات ساۋ­داباەۆتىڭ قۇت­تىق­تاۋ ءسوزى­مەن اشىل­دى. مەملەكەتتىك حات­شى ەڭ ال­دىمەن 3 ءساۋىر­دە وتكەن كەزەكتەن تىس پرەزيدەنتتىك سايلاۋ­داعى نۇرسۇلتان ءابىش­ ۇلىنىڭ اي­قىن جەڭىسىن تاۋەل­سىز­دىك جىلدارى ۇلت كوشباسشىسى اتقارعان اۋ­قىم­دى ىستەرى مەن جەتىستىكتەرىنە بەرىلگەن جوعارى جانە ءادىل باعا دەپ تانۋعا بولاتىنىن ايتتى. راسىندا دا, ەلباسىنىڭ جەڭىسى – ونىڭ ەلدى ءارى قاراي الەۋ­مەتتىك-ەكو­نوميكالىق جانە قوعام­دىق-ساياسي جاڭ­عىرتۋدىڭ, قازاق­ستان­دىق­تاردىڭ ءومىر ءسۇرۋ دەڭ­گەيىن ارتتىرۋعا باعىت­تالعان سترا­تە­گيالىق باعدارلاماسىنا بۇكىلحا­لىق­تىق قول­د­اۋ­دىڭ ايقىن كورىنىسى ەكەنى داۋسىز. كوپتەگەن حالىقارالىق باي­قاۋ­شىلاردىڭ باعاسىنا سايكەس, ساي­لاۋ جوعارى دەڭگەيدە ۇيىم­داس­تىرى­لىپ, ءادىل ءارى اشىق ءوت­كەن­دىگى كوپ­شىل­ىككە بەلگىلى. اتال­مىش سايلاۋ بايقاۋشىلار تارا­پى­نان تاۋەلسىز قازاقستان تاري­حىن­دا ەڭ ۇزدىك دەگەن باعاعا يە بولىپ, ەلىمىزدى دەموكرا­تيا­لىق دا­مىتۋداعى قارىشتاپ ىلگەرىلەۋ ۇلگىسىن پاش ەتتى. اسسامب­لەيا­نىڭ كەڭەيتىلگەن وتىرىسىندا سايلاۋ قورىتىندىسى مەن مەملەكەت باس­شىسى نۇرسۇل­تان نازارباەۆتىڭ جەڭىسى جان-جاق­ت­ى ايتىلىپ, جاس ەرەكشەلىگى مەن شىعۋ تەگى ءارتۇرلى قازاقستان­دىقتاردىڭ ەرىك-جىگەرى مەن ەلباسى جانە قازاقستان حال­قى اراسىنداعى بىرلىك جايى كەڭى­نەن ءسوز ەتىلدى. بۇگىندە الەمنىڭ كوپتەگەن ەلدەرىندە بايقالعان كۇردەلى ساياسي داع­دارىستار تۇرعىسىنان قارا­عان­دا, ەلى­مىزدىڭ بىرلىگى مەن ىنتى­ما­عىنىڭ باعا­سى ارتا تۇسكەن. ەل باقىتىنا وراي, ەلباسى ارقاشان حالىقپەن ءبىر­گە بولا ءبىلدى. سونى­مەن قاتار, حالىق يگىلىگى مەن قا­زاق­ستان­دىق­تاردىڭ ءال-اۋقاتىن ارت­تىرا وتىرىپ, ايانباي قىزمەت ەتتى. سانالۋان ۇلت پەن ۇلىس وكىلدەرى تىرشىلىك ەتەتىن ورتاق ءۇيى­مىزدە بەيبىتشىلىك پەن كەلىسىمدى نىعايت­تى. بۇل بويىنا سيرەك كەزدەسەتىن ستراتەگيالىق دانا­لىق پەن بىرنەشە قادام ىلگەرى ارە­كەت ەتە بىلەتىن قاسيەتتەردى جيناق­تا­عان شىن ءمانىن­دەگى جاسامپاز كوش­باسشى ەكەن­دىگىنە وسى كۇنگى وتىرىستا ودان ءارى كوز جەتكىزە تۇستىك. بۇگىنگى تاڭدا, الەمدىك ەكونو­مي­كالىق داعدارىس سالدارىنان دامى­عان مەملەكەتتەردىڭ وزىندە بايقال­عان جالاقى دەڭگەيىن, الەۋ­مەتتىك شى­عىندار مەن زەينەتاقى تولەم­دەرىن تومەندەتۋ, جانە دە جۇمىس ورىندارىن قىسقارتۋ ءۇر­دىستەرى كەزىندە ەلباسىنىڭ دانا­لىعى ايقىن­دالا ءتۇستى. قازاقستان جىلدان جىل­عا جالاقى مەن زەي­نەتاقى كولەمىن ارتتىرىپ, جاڭا جۇمىس ورىندارىن اشۋدى بەلسەندى تۇردە جالعاستىرىپ وتىر. بۇل – مەملەكەت قۋاتىنىڭ, ۇلت كوشباس­شى­سىنىڭ حالىق الدىنداعى جاۋاپ­­كەرشىلىگىنىڭ ناقتى ءناتي­جەسى. قانات ساۋداباەۆ اسسامبلەيا­نىڭ 2020 جىلعا دەيىنگى سترا­تە­گيالىق جوسپارى جوباسىنا, اس­سام­بلەيانىڭ قازاقستان تاۋەلسىز­دىگىنىڭ 20 جىل­دى­­عىنا ارنالعان ءىس-شارالارىن ءجۇ­زە­گە اسىرۋ ماسە­لەلەرىنە جەكە توق­تا­لا كەلە, پرەزيدەنت نۇرسۇلتان نا­زارب­اەۆتىڭ وزىنە جۇكتەلگەن جا­ڭا پرەزيدەنتتىك وكىلەتتىلىگىن قا­زاق­ستانداعى بەي­بىتشىلىك پەن كەلىسىمدى نى­عاي­تۋعا, حالىق يگىلىگىن وركەن­دە­تۋگە, ەلدىڭ حالىقارالىق بەدەلىن ارت­­تىرۋعا باعىتتالعان سەنىمدى ءجا­نە ۇدەمەلى دامۋدى ءارى قاراي جال­عاس­تىراتىنى انىق ەكەندىگىن بايان­دا­دى. سونىمەن بىرگە, مەملەكەتتىك حاتشى: «تاۋەلسىز ەلىمىزدىڭ تاري­حىندا بولعان تاماشا وقيعا – كەزەكتەن تىس پرەزيدەنتتىك سايلاۋدا نۇر­سۇلتان ءابىش ۇلىنىڭ جەڭىسكە جەتۋى ەلىمىزدىڭ ودان ءارى جاسام­پاز­دىقپەن دامۋىنىڭ جاڭا ءبىر باستاۋى بول­ماق. كوپۇلتتى قازاق­ستان ءوزىنىڭ وركەندەۋ جولىن ءبىر­تۇتاس بىرلىكپەن, مىزعىماس ىنتى­ماقپەن ايقىنداي ءتۇستى. «ەل ەردى تۋعىزادى, ەر ەلىن ەرتەڭگە باس­تاي­دى» دەگەن قاعيدالى ءسوز, شىن ءما­نىندە, جاقسى قىرىنان جار­قىراپ كورىندى. ەر ەلدى باستادى, ەل سوڭى­نان ەردى. بۇل ۇلتتىق تۇتاستىق پەن ەلدىك بىرلىكتىڭ ايقىن ايعاعى بولدى», – دەپ اتاپ ءوتتى. جوعارىدا اتالعان ماسەلەلەر بويىنشا قازاقستان رەسپۋب­لي­كاسى پارلامەنتى ءماجىلىسىنىڭ دە­پۋتات­تارى ۆ.گ.ۆيشنيچەنكو, قا­زاق­ستان كورەيلەرى قاۋىمداستىعى ءتور­اعا­سى­نىڭ ورىنباسارى گ.ۆ.كان ءسوز ءسوي­لەدى. بۇل رەتتە پارلامەنت ءماجىلى­سىنىڭ دەپۋتاتى ۆ.گ.ۆيش­­نيچەنكونىڭ ستراتە­گيا­لىق قۇجات تۋرالى ايتقان پىكىرى بارىنشا ويعا قونىمدى شىقتى. ول ءوز باياندا­ما­سىندا: «بۇل قۇجات ەۋ­رو­پاداعى قاۋىپسىزدىك جانە ىنتى­ماقتاس­تىق ۇيىمى مەن ۇدەمەلى يندۋست­ريا­لىق-يننوۆاتسيالىق دامۋ باعدارلاما­سى­نىڭ, سونداي-اق 2020 جىلعا دەيىنگى دامۋ سترا­تە­گياسىنىڭ ستاندارت­تارى­نا ساي كەلەدى. ستراتەگيادا قا­زاق­ستان حال­قى اسسامبلەياسىنىڭ قۇ­رامىن سايا­­سي پارتيالار, قوعام­دىق بىرلەستىكتەر ەسەبىنەن كە­ڭەيتۋ, اسسامبلەيا تارا­­پىنان سايلانعان دەپۋ­تات­تاردىڭ زاڭ شىعارۋ ىسىندەگى ءرولىن كۇ­شەي­تۋ ءىسى قاراستىرىلعان. سونىمەن بىرگە, تول­ە­رانتتىلىق پەن ەتنوس­ارالىق قا­رىم-قاتىناس ور­تا­لى­عى مەن باسقا دا عىلىمي-زەرت­­تەۋ بىرلەستىكتەرىن قۇرۋ جوس­پار­لان­عان. اسسامبلەيا جۇمى­سى­نىڭ تيىمدىلىگىن ارتتىرۋ ءۇشىن ارنايى قور قۇرۋ كوزدەلسە, ودان وزگە ءبىرىڭ­عاي اقپاراتتىق جۇيە قۇرۋ ءىسى دە جوس­پارعا ەنىپ وتىر. بۇل اي­ماقتاعى ءبو­لىمشەلەرمەن جۇ­مىس­تى جاندان­دىرۋ­دى كوزدەيدى. تاعى ءبىر توقتالا كەتەتىن ءجايت, اسسامبلەيا ناتيجەسى قازاقستان­دىق ەتنو­جۋرناليستيكانى دامىتۋدى دا قولعا الماق», – دەي كەلە, قازاق­ستان حالقى اسسامب­لەيا­سىن قار­جى­لاندىرۋ ءىسى رەسپۋب­لي­كالىق بيۋدجەت ەسەبىنەن جۇرگىزى­لەتى­نىنە دە توقتالدى. اسسامبلەيا كەڭەسى كەڭەيتىلگەن وتىرىس ناتيجەسىندە اسسامب­لەيا­نىڭ 2020 جىلعا دەيىنگى ستراتە­گيا­لىق جوس­پارى جوباسىن ماقۇل­داپ, ول جو­بانى قازاقستان حالقى اسسامبلەيا­سىنىڭ ءحVىى سەسسياسىنا بەكىتۋگە ۇسىنۋ تۋرا­لى شەشىم قا­بىلدادى. جۇلدىز ءبايدىلدا.