ورتا سالماقتا WBA (Super), IBF, IBO جانە WBC تۇجىرىمدارى بويىنشا الەم چەمپيونى گەننادي گولوۆكين تۋرالى تاعى ءبىر ءان جازىلدى.
«GGG» اتتى كومپوزيتسيانىڭ اۆتورلارى – قاراعاندىلىق مۇرات بەكىشەۆ پەن پروكۋرور بەرىك امحەتجانوۆ. بۇل ءان ەكى تىلدە ورىندالادى. ماتىنىندە بوكسشىنىڭ ەل ماقتانىشى ەكەنى, تۋعان جەرى تۋرالى ايتىلعان.
بۇعان دەيىن گولوۆكينگە تۋىندىسىن ارناعان انشىلەر بولعان. ماسەلەن, قىركۇيەك ايىندا ديانا شاراپوۆا «Genا King» ءانىن ورىنداسا, انۋار نۇرپەيىسوۆ, مارينا بەيسەحانوۆا جانە پەپەر حامزا دوستوياروۆ بۇل ىستەن قالىس قالماعان. ال 2014 جىلدىڭ قازان ايىندا امەريكالىق رەپەرلەر ماريو رۋيس پەن ومار كرۋز قازاقستاندىق بوكسشىعا ارنالعان «Mexican Style» ترەگىن ورىنداعان.
ايتا كەتەيىك, 18 ناۋرىزدا نيۋ-يوركتەگى Madison Square Garden ارەناسىندا گەننادي گولوۆكين WBA (Regular) بەلبەۋىنىڭ يەگەرى امەريكالىق دەننيەل دجەيكوبسپەن قولعاپ تۇيىستىرەدى. ەلىمىزدە بۇل جەكپە-جەكتى «قازاقستان» جانە «KazSport» تەلەارنالارى 19 ناۋرىزدا 08:00-دە تىكەلەي ەفيردە كورسەتەدى.