بيىل 11 ناۋرىزدا مىڭداعان ادامنىڭ قازاسى مەن جويقىن قيراتىلىسقا الىپ كەلگەن كۇنشىعىس ەلىندەگى جەر سىلكىنىسىنە بايلانىستى قازاقستان ۇكىمەتى جاپونيا تاراپىنا 1 ميلليون اقش دوللارىن قارجىلاي كومەك رەتىندە ءبولۋ جانە سالماعى 33 توننا ەت كونسەرۆىلەرىن جەتكىزۋ تۋرالى شەشىم قابىلداعان بولاتىن.
قازاقستاننىڭ توتەنشە جاعدايلار مينيسترلىگىنىڭ ۇشاعى اتالمىش جۇكتى جاپونياعا جەتكىزۋ ءۇشىن كەشە كەشكە وسى ەلگە اتتاندى. ال قارجىلاي كومەك جاپونيانىڭ قىزىل كرەست قوعامىنا اۋدارىلعان بولاتىن.
وسى ورايدا, جاپونيا 20 جىلدان بەرى ءار ءتۇرلى ارنالار ارقىلى ەلىمىزدىڭ الەۋمەتتىك-ەكونوميكالىق دامۋىنا جالپى سوماسى 1 ميلليارد اقش دوللارى شاماسىندا گرانتتار مەن كرەديتتەر ءبولىپ كەلگەنىن ەرەكشە اتاپ وتكەن ءجون.