قازاقستان رەسپۋبليكاسى اۋماعىندا شەتەلدىك كومپانيالار تەك وتاندىق كومپانيالارمەن بىرلەسىپ قانا جۇمىس ىستەي الادى. بۇل تۋرالى كەشە ەنەرگەتيكا مينيسترلىگىنىڭ القا وتىرىسىندا قانات بوزىمباەۆ مالىمدەدى.
"مۇناي ءوندىرىسى جوبالارىنا قاتىسۋى ءۇشىن بۇدان بىلاي شەتەلدىك كومپانيالار جەر قويناۋىن يگەرۋشى وتاندىق كومپانيالارمەن بىرلەسكەن كاسىپورىن قۇرۋعا مىندەتتەلەدى. جاڭا تالاپ شەتەلدىك كومپانيالارعا كەن ورنى نەگىزىندە بەرىلەدى", - دەدى مينيستر.
"قازاقستانداعى ەڭ ءىرى وپەراتورلار سانالاتىن تەڭىز, قاشاعان مەن قاراشىعاناق وسى تالاپتى ساقتايدى. باتىس كومپانيالارى ەندى مەردىگەر رەتىندە جۇمىس ىستەي المايدى. تەك وتاندىق كومپانيالارمەن بىرلەسكەن كاسىپورىن قۇرا وتىرىپ قانا جۇمىس ىستەيدى", - دەدى باس ەنەرگەتيك.
ونىڭ ايتۋىنشا, الداعى ءۇشى جىلدا قازاقستاندىق مۇناي سەرۆيسى كومپانيالارى "تەڭىز-شەۆرويلدان" 12 ملرد دوللار الادى. جوبانى كەڭەيتۋ كەمىندە 20 مىڭ جاڭا جۇمىس ورنىن اشادى. ال تەڭىز جوباسىن كەڭەيتۋدىڭ جالپى قۇنى 37 ملرد دوللار.