قازاقستان رەسپۋبليكاسىنىڭ پرەزيدەنتى بولىپ سايلانۋىنا وراي مەملەكەت باسشىسى نۇرسۇلتان نازارباەۆتىڭ اتىنا ەلىمىزدىڭ ازاماتتارىنان, قوعامدىق ۇيىمدار مەن بىرلەستىك وكىلدەرىنەن, ەڭبەك ۇجىمدارىنان ىستىق ىقىلاستارى مەن جۇرەكجاردى تىلەكتەرىن بىلدىرگەن قۇتتىقتاۋلار كەلىپ تۇسۋدە.
اتاپ ايتقاندا, «تۇركسوي» باس حاتشىسى د.قاسەيىنوۆ حاتىندا «تۇركسوي-عا مۇشە تۇركىتىلدەس باۋىرلاس حالىقتاردىڭ اراسىنداعى دوستىقتى نىعايتۋعا ءسىزدىڭ قوسقان قۇندى ۇلەسىڭىزدىڭ ماڭىزى زور» دەپ ەلباسى ەڭبەگىن كەڭىنەن اتاپ وتكەن.
پاۆلودار وبلىسىنىڭ اكىمى ب.ساعىنتاەۆتىڭ حاتىندا ەلباسىنىڭ سارابدال ساياساتىنىڭ ارقاسىندا ەلىمىز بيىك بەلەستەرگە كوتەرىلىپ, ەكونوميكاسى دامىعان, الەۋەتى وراسان, الەمگە تانىمال, گۇلدەنگەن مەملەكەتكە اينالعانى اتاپ وتىلگەن. مۇنداي يگى تىلەكتەردى قر ۇعا اكادەميگى, مولەكۋليارلىق بيولوگيا ينستيتۋتىنىڭ ديرەكتورى ن.ايتحوجينا, 1-سىنىپتى ۇشقىش ن.اقمۇقانوۆ, پروفەسسور ب.دوسقاراەۆ, ارداقتى انا س.جۇمابەكوۆا, ت.ب. بىلدىرگەن. «بولاشاق» باعدارلاماسىنىڭ ستيپەندياتتارى, «حالىقارالىق باعدارلامالارى ورتالىعى» اق قىزمەتكەرلەرى «ءسىز باستاعان رەفورمانى جالعاستىرىپ, وتانىمىزدىڭ جارقىن بولاشاعىن قامتاماسىز ەتۋ ءۇشىن ارقاشان قولىمىزدان كەلگەندى جاساۋعا ايانبايتىنىمىزدى بىلدىرگىمىز كەلەدى», دەپ جازادى.
«ەلىمىزدە تۇراقتىلىقتىڭ ورناۋى, الەۋمەتتىك-ەكونوميكالىق دامۋ, حالىقتىڭ تۇرمىس دەڭگەيىنىڭ ۇزدىكسىز ارتۋى, شاعىن جانە ورتا بيزنەستىڭ وركەندەۋى ءسىزدىڭ ەسىمىڭىزبەن تىعىز بايلانىستى دەپ بىلەمىز», دەپ جازادى ەلباسىعا جولداعان حاتىندا «جەر-انا گرۋپپ» جشس ديرەكتورلار كەڭەسىنىڭ توراعاسى ا. قوزباقوۆ. مۇنداي مازمۇنداعى حاتتار «شىراق-پۆ» جشس باس ينجەنەرى ت.ساليەۆتەن, «قازاقستان تاۋار بيرجاسى» اق پرەزيدەنتى ب.سادۋاقاسوۆادان كەلىپ ءتۇستى.
«سىزگە داۋىس بەرۋ ارقىلى ءبىز ءوزىمىزدىڭ بولاشاعىمىزدى ايقىنداي الدىق. ەرتەڭگى كۇنگە سەنىممەن قارايتىن بولدىق», دەپ اعىنان جارىلا جازادى شىعىس قازاقستان وبلىسى, كۇرشىم اۋدانى تۇرعىندارىنىڭ اتىنان حات جولداعان اۆتورلار. بۇل حاتقا ب.سلياموۆ, ن.قاليتوۆا, س.اقتانوۆ, د.بايباتىروۆا, ق.ارىنعازين, ا.قاسىمباەۆا قول قويعان. وسىنداي ىزگى نيەتتى تىلەك بىلدىرگەن قازاقستاندىقتار اراسىندا جامبىل وبلىسى, بايزاق اۋدانى, ۇلگىلى اۋىلىنىڭ تۇرعىنى ە.سەرىكباي ۇلى, ەكىباستۇزدان مۇحامەدجانوۆتار وتباسى, الماتىدان و.ءمادەن, ق.قابدولدين, ە.بالباەۆ, ت.ەگىزباەۆ, ا.تاليپباەۆا, س.اشىربەكوۆ, ت.ب. بار.
الماتى وبلىسى, قاسكەلەڭنەن حات جولداعان, ۇلاعاتتى ۇستاز س.يساەۆ پەن س.قىدىراليەۆ جۇرەكجاردى تىلەكتەرىن: «تۋعان ەرسىز قازاعىمنىڭ باعىنا, قۇت-بەرەكە داري بەرسىن تاعىڭا. ەلىمىزدى بولاشاققا باستاي بەر, جەڭىسىڭمەن قۋانتا بەر تاعى دا», دەپ ولەڭ جولدارى ارقىلى بىلدىرەدى.