ادام قۇقىقتارى جونىندەگى ۋاكىل اسقار شاكىروۆ يران يسلام رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى گوربان سەيفيمەن كەزدەستى.
كەزدەسۋ بارىسىندا ديپلومات ءبىزدىڭ مەملەكەتىمىزدىڭ ادام قۇقىقتارىن قامتاماسىز ەتۋ, ونىڭ ىشىندە زاڭنامالىق بازانى جەتىلدىرۋ مەن قۇقىق قولدانۋ تاجىريبەسى, ۇكىمەتتىك ەمەس جانە حالىقارالىق ۇيىمداردىڭ ءوزارا ارەكەتتەسۋى, ەل حالقىنىڭ قۇقىقتىق اعارتۋ سالاسىنداعى قىزمەتىمەن تانىستى.
گ. سەيفي قازاقستاننىڭ ۇلتارالىق كەلىسىم, ۇلتتىق ازشىلىقتىڭ قۇقىقتارى مەن بوستاندىقتارىن قامتاماسىز ەتۋ, ءدىني توزىمدىلىك, گەندەرلىك تەڭدىك سالاسىنداعى ساياساتىن جوعارى باعالادى.
ەلشى قازاقستاندىق ومبۋدسمەندى تەگەران قالاسىندا 2011 جىلدىڭ مامىرىندا وتەتىن ادام قۇقىقتارى جونىندەگى ۋاكىلدەردىڭ جانە ەكونوميكالىق ىنتىماقتاستىق ۇيىمىنا مۇشە مەملەكەتتەردىڭ سىبايلاس جەمقورلىققا قارسى كۇرەس جونىندەگى ورگاندارى باسشىلارىنىڭ ءبىرىنشى وتىرىسىنا قاتىسۋعا شاقىردى, دەپ حابارلادى ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.