سينوپتيكتەر دەمالىس كۇندەرى اۋا رايى قانداي بولاتىنىن ايتتى, - دەپ حابارلايدى قازگيدرومەت. مامانداردىڭ ايتۋىنشا, الداعى تاۋلىكتەردە ءسىبىر انتيتسيكلونىنىڭ تارامدارى قازاقستاننىڭ شىعىس بولىكتەرىندە جاۋىن-شاشىنسىز اۋا رايىن ساقتاپ تۇرادى.
"ەدىل مەن كاسپي تەڭىزىنىڭ وڭتۇستىگىنەن, قازاقستان اۋماعى ارقىلى باتىستان شىعىسقا قاراي جىلجىعان اتموسفەرالىق فرونتتار قايتادان شابۋىلداپ, قار جاۋدىرىپ, كوكتايعاق قۇبىلىستارىن تۋدىرىپ, جولداردى تۇمانمەن, قارمەن باسىپ تاستايدى", - دەيدى سينوپتيكتەر.
ال رەسپۋبليكانىڭ وڭتۇستىگىندەگى كۇندىزگى 3-10 گرادۋس تەمپەراتۋرا كەزىندە جاۋىن-شاشىن جاڭبىرمەن باستالادى, بىراق تەمپەراتۋرانىڭ تۇسۋىنە بايلانىستى ارتى قارلى بورانعا اينالادى ەكەن. سونداي-اق بۇل جەرلەردە كوكتايعاق, كورىنۋ تومەندىگى 100-500 مەترگە دەيىن تۇمان بولادى دەپ كۇتىلەدى ەكەن. اۋا تەمپەراتۋراسى ادەتتەگىدەي 3-8 گرادۋسقا كليماتتىق ماندەردەن جوعارى بولاتىن كورىنەدى.