2011 جىلعى 11 اقپان, استانا, ۇكىمەت ءۇيى
مەملەكەتتىك مادەنيەت ۇيىمدارىن اتتەستاتتاۋدى جۇرگىزۋ قاعيداسىن بەكىتۋ تۋرالى
«مادەنيەت تۋرالى» قازاقستان رەسپۋبليكاسىنىڭ 2006 جىلعى 15 جەلتوقسانداعى زاڭى 20-1-بابىنىڭ 3-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان مەملەكەتتىك مادەنيەت ۇيىمدارىن اتتەستاتتاۋدى جۇرگىزۋ قاعيداسى بەكىتىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 11 اقپانداعى № 127 قاۋلىسىمەن بەكىتىلگەن
مەملەكەتتىك مادەنيەت ۇيىمدارىن اتتەستاتتاۋدى جۇرگىزۋ قاعيداسى
1. جالپى ەرەجەلەر
1. وسى مەملەكەتتىك مادەنيەت ۇيىمدارىن اتتەستاتتاۋدى جۇرگىزۋ قاعيداسى «مادەنيەت تۋرالى» قازاقستان رەسپۋبليكاسىنىڭ 2006 جىلعى 15 جەلتوقسانداعى زاڭىنىڭ 20-1-بابىنىڭ 3-تارماعىنا سايكەس ازىرلەندى جانە مەملەكەتتىك مادەنيەت ۇيىمدارىن اتتەستاتتاۋدى جۇرگىزۋ ءتارتىبىن بەلگىلەيدى.
2.مەملەكەتتىك مادەنيەت ۇيىمدارىن اتتەستاتتاۋ (بۇدان ءارى – ۇيىمداردى اتتەستاتتاۋ) ولاردىڭ نەگىزگى قىزمەتىنىڭ تيىمدىلىگىن باعالاۋ جانە ماتەريالدىق, ەڭبەك جانە قارجى كوزدەرىن ۇتىمدى پايدالانۋ, وسى نەگىزدە ولاردىڭ جەلىلەرى مەن قۇرىلىمدارىن رەتكە كەلتىرۋ ءۇشىن وتكىزىلەدى.
3.ۇيىمداردى اتتەستاتتاۋدى:
1) رەسپۋبليكالىق ماڭىزى بار ۇيىمداردى – مادەنيەت سالاسىنداعى ۋاكىلەتتى ورگان;
2) جەرگىلىكتى ماڭىزى بار ۇيىمداردى – وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ, وبلىستىق ماڭىزى بار قالانىڭ جەرگىلىكتى اتقارۋشى ورگاندارى (بۇدان ءارى – جەرگىلىكتى اتقارۋشى ورگان) وتكىزەدى.
ۇيىمداردى اتتەستاتتاۋدى وتكىزۋ ءۇشىن مادەنيەت سالاسىنداعى ۋاكىلەتتى ورگان جانە جەرگىلىكتى اتقارۋشى ورگان (بۇدان ءارى - مەملەكەتتىك ورگان) اتتەستاتتاۋ كوميسسياسىن (بۇدان ءارى – كوميسسيا) قۇرادى.
4. كوميسسيانىڭ قۇرامى مەن ەرەجەسىن ءتيىستى مەملەكەتتىك ورگان بەكىتەدى.
2. ۇيىمداردى اتتەستاتتاۋدى جۇرگىزۋ ءتارتىبى
5. ۇيىمداردى ولاردىڭ سالاسى بويىنشا جۇزەگە اسىرىلاتىن اتتەستاتتاۋ كەزىندە مىناداي كورسەتكىشتەر باعالانادى:
1) ۇيىمنىڭ وندىرىستىك-شىعارماشىلىق جانە قارجىلىق قىزمەتى: ۇيىمنىڭ جارعىعا (ەرەجەگە) سايكەس قىزمەت ەتۋى;
قىزمەت سالاسى بويىنشا ۇيىمدارمەن ىنتىماقتاستىقتى جۇزەگە اسىرۋى; ۇيىم قىزمەتكەرلەرىنىڭ كەزەڭدىك دايىندىعى مەن بىلىكتىلىگىن ارتتىرۋ; ماتەريالدىق, ەڭبەك جانە قارجى كوزدەرىن ۇتىمدى پايدالانۋ;
2) ۇيىمنىڭ اكىمشىلىك-باسقارۋ قىزمەتى: ۇيىم قىزمەتكەرلەرىنىڭ كاسىبي قۇرامى;
مەملەكەتتىك مادەنيەت ۇيىمدارى قىزمەتكەرلەرىن اتتەستاتتاۋ ناتيجەلەرى تۋرالى ءمالىمەتتەر;
3) ۇيىمنىڭ ماتەريالدىق-تەحنيكالىق قامتاماسىز ەتىلۋى: ۇيىمنىڭ ماتەريالدىق بازاسىنىڭ جاي-كۇيى اكتىلەر; ۇيىمنىڭ تەحنيكالىق جابدىقتارىنىڭ جۇمىس ىستەۋى.
6. ۇيىمداردى اتتەستاتتاۋدى وتكىزۋ كەستەسىن (بۇدان ءارى - كەستە) مەملەكەتتىك ورگان 15 قاڭتارعا دەيىن اعىمداعى كۇنتىزبەلىك جىلعا بەكىتەدى جانە اتتەستاتتاۋدى وتكىزۋگە دەيىن ءۇش ايدان كەشىكتىرمەي ۇيىمداردىڭ نازارىنا جەتكىزەدى.
7. كەستەگە سايكەس اتتەستاتتالۋعا ءتيىس ۇيىمدار اتتەستاتتاۋ باستالعانعا دەيىن ءبىر اي مەرزىمنەن كەشىكتىرمەي مەملەكەتتىك ورگانعا مىناداي قۇجاتتاردى ۇسىنادى:
1) ۇيىمنىڭ وندىرىستىك-شىعارماشىلىق جانە قارجىلىق قىزمەتىنىڭ ناتيجەلەرى تۋرالى انىقتاما (تالداۋ انىقتاماسى جانە قارجىلىق ەسەپ);
2) ۇيىمنىڭ اكىمشىلىك-باسقارۋ قىزمەتى تۋرالى قۇجاتتاردىڭ كوشىرمەلەرى (بۇيرىقتار, شارتتار);
3) ۇيىم قىزمەتكەرلەرىنىڭ تەگى, اتى جانە اكەسىنىڭ اتى, ديپلوم بويىنشا ماماندىعى, جالپى ەڭبەك ءوتىلى (سونىڭ ىشىندە وسى ۇيىمداعى), سونداي-اق بىلىكتىلىگىن ارتتىرۋ جانە اتتەستاتتاۋدان ءوتۋى جونىندەگى مالىمەتتەر كورسەتىلگەن كاسىبي قۇرامى تۋرالى انىقتاما;
4) ۇيىمنىڭ ماتەريالدىق-تەحنيكالىق قامتاماسىز ەتىلۋى تۋرالى انىقتاما.
قۇجاتتارعا ۇيىمنىڭ ءبىرىنشى باسشىسى نەمەسە ونىڭ مىندەتىن اتقارۋشى تۇلعا قول قويادى جانە مورمەن بەكىتەدى.
8. بارلىق مەملەكەتتىك مادەنيەت ۇيىمدارى بەس جىلدا ءبىر رەت اتتەستاتتاۋدان وتكىزىلەدى.
9. مەملەكەتتىك ورگان ۇسىنعان قۇجاتتار نەگىزىندە كوميسسيا ءۇيىمداردى اتتەستاتتاۋدى كەستەگە سايكەس ءاربىر ۇيىم ءۇشىن جەتى جۇمىس كۇنى ىشىندە وتكىزەدى.
10. ۇيىمداردى اتتەستاتتاۋ ناتيجەلەرى بويىنشا ەكى جۇمىس كۇن ىشىندە مەملەكەتتىك ورگانعا جولداناتىن جانە كوميسسيا مۇشەلەرى قول قويعان وڭ نەمەسە تەرىس قورىتىندى رەسىمدەلەدى.
11.كوميسسيانىڭ شەشىمى ۇسىنىمدىق سيپاتقا يە.
12. كوميسسيانىڭ ۇيىمدى اتتەستاتتاماۋ تۋرالى تەرىس قورىتىندىسىنا مىنالار نەگىز بولادى:
1) ۇيىمنىڭ ءتيىستى جىلعا ارنالعان وندىرىستىك-شىعارماشىلىق جوسپاردى ورىنداماۋى;
2) اكىمشىلىك-باسقارۋ جانە قارجى قىزمەتىن جۇرگىزۋ كەزىندە قازاقستان رەسپۋبليكاسىنىڭ زاڭناماسىن جانە ۇيىنىڭ جارعىسىن (ەرەجەسىن) ساقتاماۋى;
3) قىزمەتكەرلەر قۇرامىنداعى كاسىپتىك سايكەسسىزدىكتىڭ انىقتالۋى;
4) ۇيىمنىڭ ماتەريالدىق-تەحنيكالىق قامتاماسىز ەتىلۋىنىڭ قاناعاتتانعىسىز جاعدايىنىڭ انىقتالۋى.
13. مەملەكەتتىك ورگان كوميسسيانىڭ شەشىمىن العان كۇننەن باستاپ ون بەس جۇمىس كۇنىنەن اسپايتىن مەرزىمدە:
1) وڭ قورىتىندى بولعان جاعدايدا – «اتتەستاتتاۋ»;
2) تەرىس قورىتىندى بولعان جاعدايدا – «اتتەستاتتاماۋ» تۋرالى شەشىم قابىلدايدى.
14. اتتەستاتتاۋدان وتپەگەن ۇيىم قايتا اتتەستاتتالۋعا جاتادى. كوميسسيانىڭ قورىتىندىسىنا سايكەس انىقتالعان كەمشىلىكتەردى ۇيىم مەملەكەتتىك ورگان شەشىم قابىلداعان كۇننەن باستاپ التى اي ىشىندە جويادى.
15. قايتا اتتەستاتتاۋ باستاپقى اتتەستاتتاۋ وتكىزىلگەن كۇننەن باستاپ التى اي وتكەن سوڭ وسى قاعيدادا بەلگىلەنگەن تارتىپپەن وتكىزىلەدى.
16. «اتتەستاتتالسىن» دەگەن شەشىمدى ۇيىمنىڭ كەمشىلىكتەردى جويۋى بويىنشا كوميسسيانىڭ وڭ قورىتىندىسى بولعان كەزدە مەملەكەتتىك ورگان قابىلدايدى.
17.ۇيىم كەمشىلىكتەردى جويماعان جاعدايدا كوميسسيا قايتادان تەرىس قورىتىندى رەسىمدەيدى جانە قازاقستان رەسپۋبليكاسىنىڭ زاڭناماسىنا سايكەس جۇكتەلگەن مىندەتتەمەلەرىن ورىنداماعانى نەمەسە تيىسىنشە ورىنداماعانى ءۇشىن باسشىنى تارتىپتىك جاۋاپكەرشىلىككە تارتۋ تۋرالى مەملەكەتتىك ورگانعا ۇسىنىس ەنگىزەدى.
18. مەملەكەتتىك ورگان كوميسسيانىڭ ۇسىنىسى نەگىزىندە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ءتيىستى شەشىم قابىلدايدى.
19. اتتەستاتتالماعان ۇيىم مەملەكەتتىك ورگاننىڭ قايتا اتتەستاتتاۋدان وتپەگەنى تۋرالى شەشىم قابىلدانعان كۇننەن باستاپ ءبىر جىل وتكەن سوڭ وسى قاعيدادا بەلگىلەنگەن تارتىپپەن كەزەكتى اتتەستاتتالۋعا جاتادى.
3. قورىتىندى ەرەجەلەر
20. كوميسسيا ءوز قىزمەتىن مەملەكەتتىك ورگان شەشىمىنىڭ نەگىزىندە توقتاتادى.
21. مەملەكەتتىك ورگان اتتەستاتتاماعان ۇيىمدار قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن اتتەستاتتالماعانى تۋرالى شەشىمگە شاعىم بەرۋگە قۇقىلى.
22. اتتەستاتتالعان جانە اتتەستاتتالماعان ۇيىمدار تۋرالى اقپارات ءتيىستى مەملەكەتتىك ورگاننىڭ ينتەرنەت-رەسۋرستارىنا ورنالاستىرىلادى.