ۇلتتىق كاسىپكەرلەر پالاتاسى كەن يگەرۋ ونەركاسىبىنىڭ دامۋ ماقساتتارىن انىقتادى. "اتامەكەن" قر ۇكپ تورالقا توراعاسى تيمۋر ق ۇلىباەۆ تاۋ-كەن جانە مەتاللۋرگيا ونەركاسىبى كوميتەتىنىڭ توراعاسىمەن وتكەن جۇمىس كەزدەسۋى بارىسىندا سالانى دامىتۋ ماسەلەلەرىن تالقىلادى, دەپ جازادى palata.kz.
«گەولوگيالىق بارلاۋ قازاقستاندا 20 مىڭ ادامدى بىرىكتىرگەن كاسىبي ءارى باسەكەگە قابىلەتتى سالا بولعانى انىق. قازىر ارينە تەرەڭ ساراپتاما جاساۋ ادىستەردى, گەولوگيالىق زەرتتەۋلەردى ۇلگىلەۋدى قولداناتىن تەحنولوگيالار دامىپ كەتتى. بىزدە گەولوگيالىق عىلىم ارتتا قالىپ وتىر. قازىر كەن يگەرۋ كومپانيالارىن گەولوگياعا مۇمكىندىك بەرىپ وتىرمىز. بۇل مەنى الاڭداتىپ وتىرعان جاعداي. ويتكەنى, جۇمىستى كىم ىستەيدى؟ تاعى شەتەلدىك كومپانيالاردى شاقىرامىز با؟ وكىنىشكە وراي, ءبىز ماماندارىمىزدى جوعالتتىق, تاجىريبەمىز ازايدى. ءبارىن قالپىنا كەلتىرۋىمىز كەرەك. ويتكەنى, گەولوگيا – قازاقستان ءۇشىن ۇلكەن بيزنەس», – دەدى تيمۋر ق ۇلىباەۆ.
«اتامەكەن» قر ۇكپ تورالقاسىنىڭ تاۋ-كەن جانە مەتاللۋرگيا ونەركاسىبى كوميتەتىنىڭ توراعاسى نيكولاي رادوستوۆەتستىڭ ايتۋىنشا, ەنەرگەتيكالىق نارىقتىڭ انىق ستراتەگياسىنسىز ەكونوميكا سالالارىن ارى قاراي دامىتۋ مۇمكىن ەمەس. كەن يگەرۋ سەكتورىنىڭ نەگىزگى پروبلەمالارى: سالىق زاڭناماسىنا وزگەرتۋلەر ەنگىزۋ, تەمىر جول تاسىمالى مەن گاز تاسىمالداۋ قىزمەتتەرى باعاسىنىڭ وسۋىنە اسەر ەتەتىن شىعىنداردى تومەندەتۋ, جاڭارتىلاتىن ەنەرگيا كوزدەرى سالاسىنداعى زاڭنامانى جەتىلدىرۋ.
«اتامەكەن» ۇكپ باسشىسى اتاپ وتكەندەي, ءتاريفتىڭ قۇرىلۋى قوسىمشا قۋاتتاردىڭ قوسىلۋىنا, ەنەرگوتيىمدىلىكتى جوعارلاتۋعا تىكەلەي بايلانىستى.
«الداعى ون جىلدىقتا سالانىڭ قاجەتتىلىگىن مەن ەنەرگوقۋاتتىلىعىنىڭ كولەمىن انىقتاۋ قاجەتى. ەلىمىزدە ەنەرگوتيىمدىلىگى ماسەلەلەرى ءالى قولعا الىنعان جوق. نەگىزى بۇل جەردە ۇلكەن رەزەرۆ بار. ءبىز ءوندىرىسىمىزدىڭ ەلەكتروەنەرگيانى تۇتىنۋدى جانە ەنەرگوتيىمدىلىگىن جاقسارتىپ الامىز. ونىڭ ارقاسىندا ارتىق قۋات بولادى», – دەدى تيمۋر ق ۇلىباەۆ.