جاپونيانىڭ ساپپورو قالاسىندا ءوتىپ جاتقان قىسقى ازيا ويىندارىندا حوككەيدەن قىزدار اراسىندا قازاقستان قۇراماسى گونكونگ كومانداسىن 19:0 ەسەبىمەن ويسىراتا جەڭدى.
العاشقى كەزەڭدە حوككەيشىلەرىمىز قارسىلاستارىنا جەتى بىردەي شايبا سوقسا, كەلەسى 20 مينۋتتا بەس گول سالدى. ال سوڭعى كەزەڭدە تاعى دا جەتى مارتە قاپى قالدىردى.
قىزدارىمىز وسىمەن ەكىنشى ويىنىن جەڭىسپەن اياقتاپ وتىر. بۇعان دەيىن الەكساندر مالتسەۆ شاكىرتتەرى وڭتۇستىك كورەيا قۇراماسىن 1:0 ەسەبىمەن جەڭسە, باستاپقى ەكى ماتچتا جاپونيا (0:6) مەن قىتايعا (3:8) ەسە جىبەرگەن.
وسى جەڭىستىڭ ارقاسىندا جەرلەستەرىمىز قولا جۇلدەگە جاقىنداي ءتۇستى. سوڭعى كەزدەسۋىن 25 اقپان كۇنى تايلاند قۇراماسىمەن وتكىزەدى.