قوستاناي وڭىرىندە اقپانداتقان بوران اۋىق-اۋىق سوعىپ, مالدىڭ دا, جاننىڭ دا بەرەكەسىن الىپ تۇر. رەسپۋبليكالىق ماڭىزى بار «اۋليەكول-وكتيابر» باعىتىنداعى جولدا كولىگىمەن قارعا كەپتەلىپ تۇرىپ قالعان 34 ادام قۇتقارىلدى. قاردان 22 تەحنيكا سۇيرەپ شىعارىلدى. ولاردىڭ بارلىعى جولعا جاقىن قويباعار پوسەلكەسىنە جەتكىزىلدى.
«سارىكول-قاراسۋ» باعىتىنداعى جولدا استىق تيەلگەن كاماز ماشينالارى قارعا كومىلىپ تۇرىپ قالعان ەكەن. ولاردىڭ جۇرگىزۋشىلەرىنە ىستىق تاماق جەتكىزىلدى. بوران ءۇرىپ تاستاعان قارعا «انگار – اركالىك» جولى بويىندا ەكى جەڭىل ماشينا كەپتەلىپ قالىپ, ون ادام سۋىقتا قالىپ قويعان. ولاردى سولتۇستىك وڭىرلىك اەروموبيلدى جەدەل-قۇتقارۋ وتريادى بولىمشەسىنىڭ قۇتقارۋشىلارى ارقالىققا جەتكىزدى. سونىمەن ەكى كۇن بويى قار قۇرساۋىنان بارلىعى 47 ادام, 24 تەحنيكا شىعارىلدى. قازىر قۇتقارۋشىلار مەن توتەنشە جاعدايقىزمەتكەرلەرى بارىق جولداردا كەزەكشىلىك وتكىزىپ, ادامداردىڭ ءۇسىپ قالماۋىن قامتاماسىز ەتۋدە.
ءنازيرا جارىمبەتوۆا, «ەگەمەن قازاقستان»