كەشە پارلامەنت ءماجىلىسىنىڭ ءتوراعاسى ورال مۇحامەدجانوۆتىڭ جەتەكشىلىگىمەن وتكەن بيۋرو وتىرىسىندا زاڭ جوبالارىنىڭ دايىندىعى پىسىقتالدى.
قارجى جانە بيۋدجەت كوميتەتى ەلىمىزدىڭ كەيبىر زاڭدارىنا بيۋدجەت پروتسەسىندە مەملەكەتتىك جانە بيۋدجەتتىك جوسپارلاۋ جونىندەگى ۋاكىلەتتى ورگاندار كۇزىرەتىنىڭ اراجىگىن اجىراتۋ ماسەلەلەرى بويىنشا تۇزەتۋلەر ەنگىزۋدى كوزدەيتىن زاڭ جوباسىن ءبىرىنشى وقىلىمدا قاراۋعا شىعارۋدى ۇسىندى.
زاڭناما جانە سوت-قۇقىقتىق رەفورما كوميتەتى ەلىمىزدىڭ كەيبىر زاڭنامالىق اكتىلەرىنە حالىققا قىزمەت كورسەتۋ ورتالىقتارىنىڭ ماسەلەلەرى بويىنشا وزگەرىستەر ەنگىزۋدى قاراستىراتىن زاڭ جوباسى دەپۋتاتتار تالقىسىنا شىعارۋعا دايىن ەكەنىن مالىمدەدى.
پالاتانىڭ حالىقارالىق ىستەر, قورعانىس جانە قاۋىپسىزدىك كوميتەتى بىرنەشە حالىقارالىق زاڭ جوباسىن ۇسىندى. زاڭ جوبالارى پارلامەنت ءماجىلىسىنىڭ جالپى وتىرىسىنىڭ كۇن تارتىبىنە ەنگىزىلەتىن بولدى.
«ەگەمەن-اقپارات».